लूका 15:5 - चम्बयाली नौआ नियम

⁵ अते जां तिसजो से भैड्ड़ मिल्ली जाणी, तां तिनिए बड़े खुस होई करी तिसजो अपणे मुह्ण्डे़ पर चुक्की करी लेई आणा।

लूका 15:5 ပူးပေါင်းရင်းမြစ်များ

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 15:4

मन्नी लेयो कि तुसा बिच्च का इक्क जणे का सौ भेड़ां हिन ते तिन्हा बिच का इक्क भैड्ड़़ चरदे चरदे गोच्ची जाओ, तां कै से मणू अपणी नढ़िनूए भैड्ड़़ाँ जो द्रबड़ा बिच खुल्ला छड्डी करी, तिस गोच्चे री भैड्ड़ जो तां तांइ तोपदा रैह्णा, जां तांइ से तिसजो मिल्ली नी जाओ।

लूका 15:6

ते अपणे घरे आई करी अपणे मित्रा ते पड़ोसियाँ जो सद्दाई करी तिन्हा जो बोलणा, कि मेरी भेड़ गोच्ची गे री थी, अते से अवे मिल्ली गई, इधेरे तांइ तुसा मेरे कन्ने इस गल्ल री खुसी मनाओ

लूका 19:9

यीशु ने तिसजो बोल्लेया, अज्ज तेरा अते तेरे घरे वालेयां रा छुटकारा होया है किजोकी अज्ज तू अब्राहम औलाद बणेया।

लूका 23:43

यीशु ने तिसजो बोल्लेया, मैं तिज्जो सच बोल्दा, अज्ज ही तू मेरे कने स्वर्ग-लोक बिच होणा।

यूहन्ना 15:11

मैं ए गल्लां तुसा रे कने इधेरे तांइ बोल्ली ताकि तुसा जो मेरे सांई भरपुरी कने खुसी मिल्ले।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।

2 तीमुथियुस 2:26

ताकि से मणू भी चुकन्ने होई जाण ते शैतान रे चंगुल का छुड़की जाण, जिस ने तिन्हा जो अपणी मर्जी पूरी करवाणे तांइ धोख्खे बिच पाई रख्खे रा है।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

1 पतरस 1:5

परमेश्वर अपणी महान ताकत कने तुसा जो सुरक्षित रखदे किजोकी तुसा मसीह बिच विश्वास करदे। तिन्हा ने तुसा जो अग्गे भी तां तांइ सुरक्षित रखणा जां तांइ मसीह यीशु हटी नी आंदे तां ही तुसा ने जाणना कि परमेश्वर ने तुसा जो पाप ते हमेसा री मौत का पूरे तरिक्के कने बचाए रा है।