लूका 15:2 - चम्बयाली नौआ नियम

² ए दिख्खी करी फरीसी ते शास्त्रि लोक्कां बुड़-बुड़ करणा लगे, कि ए तां पापी मणूआं कन्ने रैहन्दा अते तिन्हा कन्ने रोट्टी भी खाई लिन्दा

लूका 15:2 ပူးပေါင်းရင်းမြစ်များ

मत्ती 11:19

मणू रा पुत्तर, जे मैं ही है, खान्दा-पीन्दा, पर मणू बोलदे, इस मणू जो दिख्खो, ए भूखान्ग ते पियक्कड़ है, ए चुंगी लैणे वाले अते पापियां रा मित्र है! पर तिसेरे कम्मां कने तिसेरी समजदारी सही साबित होए।

मत्ती 9:11

ते जां फरीसियां ने ए दिख्खेया तां तिन्हा ने यीशु रे चेल्‍लेयां जो बोल्लेया, “तुसां रा गुरु चुंगी लैणे वालेयां कने अते पापियां कने रोट्टी किजो खाया करदा ए?”

लूका 15:3

इस गल्ल पर यीशु ने तिन्हा जो इक्क उदारण दित्तेया

लूका 19:7

पर मणूआं जो ए गल्ल ठीक नी लग्गी, अते बुड़बुड़आणा लग्गी पेय अते बोलणा लग्गे से तां पाप्पी मणू रे उत्ते प्रोणा बणी करी तिसेरे घरे जो गेया

लूका 5:30

तां फरीसी ते यहूदी शास्त्रि, यीशु रे चेल्‍लेयां कने सिकाइत करणा लगे, तुसा यहूदी होई करी चुंगी लैणे वाले ते पापी मणूआं कने किय्यां खाणा-पीणा बेई जान्दे?

लूका 7:34

अते मैं, मणू रा पुत्तर, जे मैं ही है रोट्टी खान्दा अते अंगूर रास भी पीन्दा, तां तुसा मेरे बारे अन्दर बोल्दे, कि ए तां भुखांग ते पियक्कड़ है अते चुंगी लैणे वाले अते पाप्पी मणूआं कन्ने रैहन्दा

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

प्रेरितां रे कम्म 11:3

कि तू गैर यहूदी घरे गेया ते तिन्हेरे कने खाया-पित्तेया,

गलातियों 2:12

किजोकी याकूब रे भेज्जे रे किच्‍छ मणूआं रे इत्ते पुज्जणे का पैल्ले तिकर से गैर यहूदी लोक्कां कने रोट्टी खाया करदा थिया, पर तिन्हा मणूआं रे आणे का बाद से गैर यहूदी का परे हटी गेया, ते तिन्हा का अलग होई गेया। तिसने यहूदी विश्वासियां रे डर कने इदेया कित्तेया थिया, किजोकी से चाह्‍ंदे थिये कि गैर यहूदी मणूआं रा भी खतना होणा चाएदा।

1 तीमुथियुस 1:15

जे गल्लां मैं तुसा जो दस्सी से सच्ची ते पूरी तरिक्के कने भरोस्सेमंद हिन किजोकी मसीह यीशु असी पाप्पी लोक्कां जो छुटकारा दैणे तांइ इस दुनिया बिच आए ते तिन्हा बिच सबका बड्डा पाप्पी मैं है।