लूका 13:4 - चम्बयाली नौआ नियम

⁴ या तुसा इय्यां समजदे कि से अठारा मणू जिन्हा पर शीलोह नां री जगाह् बिच गुम्मट पेया थिया, ते से दबी करी मरी गे थिये: कै से यरुशलेम सहर बिच रैह्णे वाले होरणी मणूआं का भी जादा पापी थिये?

लूका 13:4 ပူးပေါင်းရင်းမြစ်များ

मत्ती 18:24

जां से हिसाब-किताब लैणा लग्गेया तां इक्क मणू जो लियाया गेया जिस पर दस हजार तोड़े रा उधार थिया।

मत्ती 6:12

ते जिय्यां असा ने अपणे गुनेह्गार जो माफ कित्तेया, तिय्यां ही तुसा भी असा रे पाप्पां जो माफ करी देयो,

लूका 11:4

ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

लूका 13:3

नी पर मैं तुसा जो बोलदा कि जे अगर तुसा अपणे पाप्पां का तौबा ना करो तां तिस्सी तरिक्के कने मुकाए दित्ते जाणे।

लूका 13:5

यीशु ने यरुशलेम रे सबणी मणूआं जो बोल्लेया इदेया किच्‍छ भी नी है तुसा अपणे पाप्पां का तौबा करी लेयो, नी तां तुसा भी तिय्यां ही मरणा।

यूहन्ना 9:11

तिनिए जवाब दित्ता, यीशु नां रे इक्क मणू ने मिट्टी सेड़ी ते मेरी हाख्खियां पर लाई करी मेरे जो बोल्लेया, शीलोह रे त्ला बिच जाई करी धोई लै, अते मैं गेया ते धोया, ते मेरी हाख्खियां री रौसनी ठीक होई गई।

यूहन्ना 9:7

तिसजो बोल्लेया, जा, शीलोह रे तलाब बिच अपणा मुँह धोई लै उन्निए जाई करी धोया, ते दिखदे-दिखदे हटी आया।

प्रेरितां रे कम्म 28:4

जिस बेल्ले तित्ते रे रैह्णे वाले लोक्कां ने तिसेरे हत्था कीड़ा लिपटित्तेरा दिख्खेया, तां से अप्पु-मिते बोलणा लगे, सच्ची ए मणू खून्नी है किजोकी अगर समुन्द्र का बची गेया, तां भी असा री न्याय री देवी ने इसजो जिन्दा नी रैह्णा दित्तेया।