लूका 13:34 - चम्बयाली नौआ नियम

³⁴ ओ यरुशलेम रे लोक्कों, इक्क समय पर तुसा ने भविष्यद्वक्ता जो मारे रा है, जिन्हा जो परमेश्वर ने इत्ते रे मणूआं तांइ भेज्जे रा थिया, तिन्हा जो इत्ते रे ही मणूआं ने पत्थरां कने मारे रा है, मैं बड़ी वरी इत्ते रे मणूआं रे बचाणे री कोसीस कित्ती, जिय्यां इक्क मुर्गी अपणे बच्चेयां जो अपणे पंखा रे हेठ समेटी लिन्दी, पर तुसा नी चाएया कि मैं तुसा जो बचां।

लूका 13:34 ပူးပေါင်းရင်းမြစ်များ

मत्ती 22:3

ते तिसने अपणे नौक्कर जो भेज्जेया कि सद्दे रे लोक्कां जो ब्याह री धाम बिच सद्दी लेई आए।

मत्ती 22:6

होर लोक्कां ने जे बचेया करदे थिये तिसेरे नौकरांं जो पकड़ी करी तिन्हेरी बेजती कित्ती ते मारी रख्खेया।

लूका 15:28

ए सुणी करी तिसजो बड़ी-भरी लैह्र चढ़ी, ते से घरां अन्दर जाणा ही नी चाह्‍ंदा थिया, पर तिसेरा प्यो अप्पु ही बाह्र आई रेया ते तिसजो घरे चलणे तांइ समझाणा लगेया,

लूका 19:44

ते तेरे दुश्मणा ने तिज्जो ते तेरे बच्चेयां जो जे तेरे बिच हिन, मिट्टी बिच मिलाई दैणा, ते तेरे बिच बट्टे पर बट्टा भी नी छडणा, किजोकी तू तिस मौक्के जो नी पेहचाणेया जां परमेश्वर तिज्जो बचाणे तांइ आए थिये।

लूका 23:28

यीशु ने तिन्हा जनानियां पास्से मुड़ी करी दिख्खेया अते बोल्लेया, यरुशलेम री जनानियों, मेरे तांइ मत रो, बल्कि जे गल्लां अग्गे चली करी होणे वाली हिन तिस वजह कने खुद अपणे तांइ कने अपणे बच्चेयां तांइ रो।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

प्रेरितां रे कम्म 8:1

शाऊल स्तिफनुस रे मारे जाणे बिच सहमत थिया। तिस्सी दिन का यरुशलेम सहर री कलीसिया पर बड़ा अत्याचार होणा सुरु होई गेया ते प्रेरितां जो छड्डी करी बाकि सारे यहूदियां ते सामरिया प्रदेश बिच बिखरी गे।

प्रकाशित वाक्य 11:8

तिन्हा गवाई दैणे वाले मणूआं रे मरणे का बाद, तिन्हा दोन्नां री लास बड्डे सहर यरुशलेम री गली बिच इय्यां ही पेई री छड्डी दित्ती गई, जिस सहर बिच मसीह यीशु जो सुली पर चढाया गेया थिया। तिस सहर जो सदोम ते मिस्र देस री बराबरी बिच मन्नेया जांदा।