लूका 13:32 - चम्बयाली नौआ नियम

³² तां यीशु ने तिन्हा फरीसी जो बोल्लेया, जाई करी तिस चलाक तिस मणू जो बोल्ली दे, कि मैं मणूआं बिच का दुष्टात्मा जो निकालदा ते मैं अज्ज भी बमाराँ जो खरा करणा, ते कल्ल भी फिरी त्रीय्ये रोज्जे मैं जिस कम्म तांइ आए रा है, से पूरा करणा।

लूका 13:32 ပူးပေါင်းရင်းမြစ်များ

मरकुस 6:14

हेरोदेस राज्जे ने भी यीशु री गल्लां सूणी, किजोकी यीशु रा नां फैल्ली गे रा थिया, ते हेरोदेस राज्जे ने बोल्लेया, “ए यूहन्ना बपतिस्मा दैणा वाला मरेयां बिच का जिन्दा होई गे रा है, इस तांइ से इदेय चिन्ह-चमत्कार करदे।”

यूहन्ना 10:32

इस पर यीशु ने तिन्हा जो बोल्लेया, मैं तुसा जो अपणे प्यो रे पास्से का मते सारे ठीक कम्म दिखाए रे हिन तिन्हा बिच का कुस्स कम्म तांइ तुसा मेरे जो बट्टे मारदे?

यूहन्ना 19:30

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

इब्रानियों 2:10

किजोकी परमेश्वर ने सारा किच्‍छ बणाया, ते सारा किच्‍छ तिन्हेरा ही है। परमेश्वर ने फैसला लित्ता, कि मते लोक्कां जो अपणी महिमा बिच हिस्सा दैणे तांइ, प्रभु यीशु जुल्म सहे, ताकि जुल्म सहणे रे जरिये से सिद्व बणी जाए, किजोकी यीशु ही छुटकारा मिलणे रा जरिया है।

इब्रानियों 5:9

ते इस तरिक्के कने परमेश्वर ने तिन्हा जो सिद्ध बड्डा पुरोत्त बणाई दित्ता, तिन्हेरे मनणे वाले सारे मणूआं तांइ हमेसा री जिन्दगी री वजह बणी गे।

इब्रानियों 7:28

किजोकी मूसा रा कानून कमजोर लोक्कां जो बड्डा पुरोत्त बणने तांइ चुणदा; पर जे वाचा परमेश्वर ने मूसा रे कानून रे बाद बन्नी थी, तिसने परमेश्वर रे पुत्तर जो प्रधान पुरोत्त ठैहराया, जे असा तांइ हमेसा-हमेसा तांइ सिद्व बड्डे पुरोत्त बणी गेरे हिन।