लूका 13:14 - चम्बयाली नौआ नियम

¹⁴ यीशु ने विश्राम दिन तिसजो खरा करदे दिख्खी करी सभास्थल रा प्रधान गुस्सा होई गेया ते मणूआं जो बोलणा लगेया, हफ्ते अन्दर कम्म करणे तांइ छे रोज दित्ते रे हिन, तां तिन्हा रोज्जां बिच ही खरा होणे तांइ आया करो, विश्राम दिन नी

लूका 13:14 ပူးပေါင်းရင်းမြစ်များ

मत्ती 12:2

तां फरीसियां ने ए दिख्खी करी बोल्लेया, कि दिख्ख, तेरे चेल्‍ले से करेया करदे हिन जिसेरा विश्राम दिन करणा मूसा रे नियमां रे हिसाब कने ठीक नी है?

मरकुस 5:22

याईर नां रे सभास्थल रे सरदारां बिच का इक्क आया, ते तिन्हेरे जो दिख्खी करी तिन्हेरे पैरां पर पेई गेया,

लूका 6:11

ए दिख्खी करी, जे यीशु रे खलाफ़ थिये, से लैहरिये अते अप्पु-मिते ए बोलणा लगे कि यीशु कने कै कित्तेया जाये?

लूका 6:7

फरीसी अते शास्त्रि मणू इस भाल अन्दर बैठ्ठे रे थिये कि यीशु विश्राम दिन तिस मणू जो खरा करदे कि नी, ताकि तिन्हा जो यीशु पर इल्जाम लगाणे रा मौका मिल्ली जाओ

लूका 8:41

उत्ते याईर नां रा इक्क मणू थिया जे तित्ते री सभास्थल रा इक्क प्रधान थिया से यीशु रे पैरा पेई गेया अते तिन्हा जो घरे चलणे तांइ छंदे करणा लग्गेया

प्रेरितां रे कम्म 13:15

ते मूसा रे कानून ते भविष्यद्वक्ता री कताबां रे पढ़ने का बाद सभास्थल रे सरदारा ने तिन्हा का बोल्ली भेज्जेया, कि ओ भाईयों, जे मणूआं री उपदेस तांइ तुसा रे मन बिच कोई गल्ल है तां बोल्लो।

प्रेरितां रे कम्म 18:17

तां सब, मणूआं ने सभास्थल रे सरदार सोस्थिनेस जो पकड़ी करी हिसाब-किताब री गद्दी रे सामणे मारेया, पर गल्लियो ने इन्हा सब गल्लां री फिकर नी कित्ती।

प्रेरितां रे कम्म 18:8

तां सभास्थल रे सरदार क्रिस्पुस ने ते तिसेरे टब्बर ने प्रभु पर विश्वास कित्तेया, ते बड़े कुरुन्थियों ने भी सूणेया ते विश्वास कित्तेया ते बपतिस्मा लित्तेया

रोमियों 10:2

किजोकी मैं गवाई दिंदा कि तिन्हा लोक्कां बिच परमेश्वर तांइ जोस है, पर से मणू ए नी समजदे कि परमेश्वर री सेवा कुस तरिक्के कने करणी चाएदी।