लूका 13:13 - चम्बयाली नौआ नियम

¹³ ते यीशु ने तिसेरे सरा पर हत्थ रख्या, ते तिस्स ही बेल्ले, सीद्दी होई करी से खड़ी गई, ते परमेश्वर री बड़ाई करणा लग्गी पेई।

लूका 13:13 ပူးပေါင်းရင်းမြစ်များ

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

मरकुस 16:18

तिन्हा ने अपणे हत्थां कने कीड़ेयां जो चुक्की लैणा, अते जे से जैहरील्ली चीज भी पी जान्गे तां भी तिन्हेरा कोई नुक्सान नी होणा, तिन्हा ने बिमारां पर हत्थ रखणा, ते बिमारां ठीक होई जाणा।”

मरकुस 5:23

ते ए बोल्ली करी तिन्हेरे बड़े छन्दे कित्ते, “मेरी हलकी कुड़ी मरणे वाली है: तुसा आई तिसेरे पर हत्थ रख्खो की से ठीक होई करी जिन्दी रे।”

मरकुस 6:5

यीशु तिस जगाह् पर होर कोई चिन्ह-चमत्कार रा कम्म नी करी सकेया, वस थोड़े जणे बिमारां पर हथ रख्खी करी तिन्हेरे जो ठीक कित्तेया।

मरकुस 8:25

तां यीशु ने दुबारा तिस अन्ने मणू री हाख्खी पर हत्थ रखे, अते अन्ने मणू ने ध्यान कने दिख्खेया। ते से मणू ठीक होई गेया, ते तिस मणू जो सब किच्‍छ साफ-साफ दिसणा लग्गेया।

लूका 13:12

यीशु ने जां तिसजो दिख्खया, तां तिसजो अपणे का सद्देया अते बोल्लेया, ओ जनानिये, तैं अज्ज अपणी बीमारी का छुटकारा पाई लेया

लूका 18:43

तां से तिस्सी बेल्ले दिख्णा लग्गी पेया अते परमेश्वर री बड़ाई करणा लग्गेया अते यीशु रे पीच्छे चली पेया अते ए सब किच्‍छ दिख्खी करी मणू परमेश्वर री बड़ाई करणा लगे।

लूका 4:40

संझा बेल्ले, जिन्हेरे-जिन्हेरे घरां अन्दर मणू नेक-बनेके तरिक्के री बमारियाँ का परेशान थिये, से तिन्हा सबणी जो यीशु का लेई आये ते कन्ने ही ओ मणू भी थिये जिन्हा अन्दर दुष्टात्मा थिया यीशु ने इक्क-इक्क पर अपणा हत्थ रखेया, ते से तिस्सी बेल्ले ठीक होई गे

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।