लूका 12:5 - चम्बयाली नौआ नियम

⁵ मैं तुसा जो पक्की गल्ल दसी दिन्दा कि कुसका डरणा चाएदा? परमेश्वर का डरो जे तुसा जो मारणे रे बाद नरक बिच पाणे रा हक्क रखदा हाँ, मैं बोलदा, वस परमेश्वर का ही डरो

लूका 12:5 ပူးပေါင်းရင်းမြစ်များ

मत्ती 10:28

उन्हा का मत डरो जे सरीर जो मारदे हिन पर आत्‍मा जो नी मारी सकदे, बल्कि परमेश्वर का डरो जे आत्‍मा अते सरीर दोनां जो नरक बिच नास करी सकदा।

मत्ती 25:41

तां मैं पुठ्ठे पास्से वालेयां लोक्कां कने बोलणा ओ अभागे लोक्कों! मेरे का दुर चली जाओ, अते जे आग्ग परमेश्वर ने शैतान ते तिसेरे दूतां तांइ तैयार कित्ती, उस हमेसा तिकर बलणे वाली आग्ग बिच पेई जाओ।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

मरकुस 13:23

पर तुसा चुकन्ने रेयो दिख्खो, मैं तुसा जो सब गल्लां पैल्ले ही बोल्ली रख्खियाँ।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

इब्रानियों 10:31

ए किन्नी जादा ड्रौणी गल्ल है कि जिन्दा परमेश्वर असा जो पकड़ी करी सजा दैण।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 15:4

ओ प्रभु, कुण तेरे का नी डरगा ते तेरे नां री महिमा नी करगा? किजोकी सिर्फ तू ही पवित्र है सारी जातियां आई तेरे सामणे प्रणाम करगी, किजोकी तेरे इंसाफ रे कम्म सामणे आई गेरे हिन।

प्रकाशित वाक्य 20:14

जिन्ने भी लोक्कां रे नां तिस जिन्दगी री कताब बिच नी लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसेरे बाद, अग्गे जो मौत नी रेई, पताल, किजोकी जिन्हा लोक्कां रे नां तिस जिन्दगी री कताब बिच लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसजो ही दुई मौत बोल्लेया जांदा, आग्ग रे समुंदर बिच सजा मिलणा।