लूका 12:41 - चम्बयाली नौआ नियम

⁴¹ तां पतरस ने पूच्छेया, ओ प्रभु जी, तुसा ए उदारण सिर्फ असा चेल्‍लेयां जो ही सुणाया करदे हिन कि ए होरणी सबणी मणूआं तांइ भी है?

लूका 12:41 ပူးပေါင်းရင်းမြစ်များ

मरकुस 13:37

अते मैं जे तुसा जो बोल्दा, से ही सबणी जो बोल्दा : चुकन्ने रेयो!”

मरकुस 14:37

फिरी यीशु हटे अते तिन्हा ने दिख्खेया कि चेल्‍ले सुत्ते रे हिन। तिन्हा ने पतरस जो बोल्लेया, “ओ शमौन, तू सुत्ते रा है? कै तू थोड़ी होर देर भी नी जाग्गी सकेया?”

लूका 12:47

से नौक्कर जे अपणे मालक री मरजी जाणदा हो पर तिय्यां नी करणे तांइ तैयार ना रैहन्दा हो ते तिय्यां नी कमांदा हो तां तैसे नौक्कर जो बड़ी बुरे हाल्ले मार पैणी।

लूका 12:48

पर जिस नौक्कर जो अपणे मालक री मर्जी रे बारे अन्दर कोई जानकारी नी हो, पर इदेया कम्म करी देयो, जे कि मार खाणे जोग्गा हो, तां तिस नौक्कर जो घट मार पैणी। इधेरे तांइ हर इक्क मणू का जिस जो हद का जादा दित्तेया गे रा है, तिसका तिन्ना ही वापस लित्तेया जाणा। अते जिस जो तिसका थोड़ा घाट्ट दित्तेया दा है, तिसका तितणा ही घट लित्तेया जाणा।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।