लूका 12:4 - चम्बयाली नौआ नियम

⁴ पर मेरे मित्रो, मैं तुसा जो बोलदा तिन्हा का मत डरो जे सिर्फ तुसा रे सरीर जो घात करी सकदे ते तिसेरे बाद इदेया किच्‍छ भी नी है जे तिन्हेरे वस अन्दर होणा।

लूका 12:4 ပူးပေါင်းရင်းမြစ်များ

मत्ती 10:28

उन्हा का मत डरो जे सरीर जो मारदे हिन पर आत्‍मा जो नी मारी सकदे, बल्कि परमेश्वर का डरो जे आत्‍मा अते सरीर दोनां जो नरक बिच नास करी सकदा।

यूहन्ना 15:13

इसका बड्डा प्यार होर कुसकी रा नी, कि कोई अपणे दोस्तां तांइ अपणी जान देई देयो।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

प्रेरितां रे कम्म 4:13

जां तिन्हा ने पतरस ते यूहन्ना री हिम्मत दिख्खी ते ए दिख्खेया कि ए अनपढ़ ते आम मणू हिन तां हैरान होए फिरी तिन्हेरे जो पछाणेया कि ए यीशु कने रे हिन।

फिलिप्पियों 1:28

कुसकी भी तरिक्के कने अपणे दुश्मणा का मत डरो, तुसा री हिम्मत तिन्हेरे विनास री निशानी है, पर ए तुसा तांइ छुटकारे री निशानी है ते ए परमेश्वर रे पास्से का है।

याकूब 2:23

ते पवित्रशास्त्र रा से वचन पूरा होया कि अब्राहम ने परमेश्वर पर भरोसा कित्तेया, ते तिसेरे विश्वास रे जरिए परमेश्वर ने तिसजो धार्मिक मणू ठैहराया, ते इत्ते तिकर कि से परमेश्वर रा दोस्त केहलाया।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”

प्रकाशित वाक्य 2:10

तिन्हा जुल्मां का मत डरो जे तुसा पर होणे वाले हिन। शैतान ने अपणे किच्‍छ लोक्कां का तुसा बिच रे किच्‍छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।