लूका 11:9 - चम्बयाली नौआ नियम

⁹ ते मैं इधेरे तांइ मैं तुसा जो बोलदा कि तुसा मंगगे तां तुसा जो दित्तेया जाणा तोपगे तां से मिल्णा अते खटखटाँदे रैह्न्गे तां तुसा तांइ दुआर खोली दित्ते जाणे

लूका 11:9 ပူးပေါင်းရင်းမြစ်များ

मत्ती 21:22

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

मत्ती 21:31

इन्हा दोन्नां बिच का कुसने पिता री मर्जी पूरी कित्ती? तिन्हा ने बोल्लेया, पैल्ले मुंडे ने, यीशु ने बोल्लेया, मैं तुसा कने सच बोलदा की महसुल लैणे वाले ते वेश्या तुसा का पैल्ले स्वर्ग रे राज बिच पुजदे।

मत्ती 6:29

तां भी मैं तुसा जो बोलदा कि राज्जा सुलैमान री इत्तणी महिमा होणे रे बावजूद भी से उन्हा बिच का कुसकी इक्क सांई भी नी सजी सकेया।

मरकुस 11:24

इधेरे तांइ मैं तुसा जो बोलदा कि जे तुसा प्रार्थना करी के मंग्गो, ते विश्वास करी लेयो कि तुसा जो मिल्ली गेया, अते तुसा रे तांइ होई जाणा।

मरकुस 13:37

अते मैं जे तुसा जो बोल्दा, से ही सबणी जो बोल्दा : चुकन्ने रेयो!”

लूका 11:10

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

यूहन्ना 14:13

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो।

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

2 कुरुन्थियों 6:2

किजोकी पवित्रशास्त्र बिच परमेश्वर ता ए बोलदे, “ठीक समय पर मैं तेरी सुणी लित्ती, ते छुटकारे वाले दिन मैं तेरी मदद कित्ती, सुणो, अब्बे ए से ठीक समय है; सुणो, अब्बे से छुटकारे रा दिन है।”

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

इब्रानियों 4:16

आओ, असी बगैर कुसकी डर रे परमेश्वर रे सामणे आए, ताकि परमेश्वर असा पर दया ते अनुग्रह करे, ते असा जो जरुरत पैणे पर असा री मदद भी करण।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

1 यूहन्ना 3:22

अते जे असी किच्‍छ तिन्हा का मंगदे, से असा जो दिंदे किजोकी असी तिसेरे हुकमां जो मनदे, अते से ही करदे, जे तिसजो खरा लगदा

प्रकाशित वाक्य 2:24

पर तुसा थुआतीरा रे बाकि रे लोक्कां ने गलत शिक्षां जो नी मन्नेया। तुसा मणू तिसेरी झूठ्ठी शिक्षा पर नी चले, जिस जो तिसेरे चेल्‍ले ‘शैतान री खास गल्लां’ बोलदे। मैं तुसा जो बोलदा कि मेरे आणे तिकर मेरे पर विश्वास करणे रे अलावा मैं तुसा पर होर कुसकी खास हुकम मनणे रा बोझ नी पाणा।