लूका 11:51 - चम्बयाली नौआ नियम

⁵¹ मतलब ए है कि हाबिल रे खून होणे का लेई करी जकरयाह रे मरणे तिकर, जे कि परमेश्वर रे मन्दिर ते वेदी रे बिच मरे थिये तिन्हेरे मरणे रा हिसाब, इस पीढ़ी रे मणूआं का लित्तेया जाणा

लूका 11:51 ပူးပေါင်းရင်းမြစ်များ

इब्रानियों 11:4

विश्वास कने ही आदम रे मुंडे, हाबिल ने कैन का खरा कुर्बानी परमेश्वर तांइ चढाया, ते तिस कुर्बानी रे ही जरिए तिसेरे धार्मिक होणे री गवाई भी दित्ती गयी। किजोकी परमेश्वर ने तिसेरे चढ़ा़वे रे बारे बिच गवाई दित्ती, ते तिसेरा ए ही विश्वास असा तांइ अज्ज भी इक्क मिसाल है।

मत्ती 23:35

जिस कने धार्मिक हाबिल का लेई करी बिरिक्याह रे पुत्तर जकरयाह तांइ, जिस जो तुसा मन्दिर अते वेदी रे मझाटे मारी रख्खेया थिया, जितणे धार्मिक लोक्कां रा खून धरती पर होए रा है उन्हा सब री सजा तुसा जो मिलणी।

1 यूहन्ना 3:12

असा जो आदम रे पुत्तर कैन सांई नी बणना जे उस शैतान रे पास्से का थिया, ते जिनिए अपणे भ्याल जो मारी रख्खेया, तिसने अपणे भ्याल जो भला किजो मारेया? तिसने इधेरे तांइ इदेया कित्तेया कि तिसेरे कम्म बुरे थिये अते तिसेरे भ्याल रे कम्म धार्मिक थिये।

इब्रानियों 12:24

तुसा यीशु का आए रे हिन जे परमेश्वर ते लोक्कां बिच नौई वाचा रे बिचौल्ले हिन। ते तुसा छिड़काव रे तिस खून रे नेड़े आये रे हिन जे हाबिल रे खून सांई बदले री गुहार लाणे री जगाह् माफी दैणे री गल्लां बोलदा।