लूका 11:41 - चम्बयाली नौआ नियम

⁴¹ पर जे तुसा अन्दरे री चीजां जो दान करी दिंगे तां तुसा रा सब किच्‍छ सुच्चा होई जाणा

लूका 11:41 ပူးပေါင်းရင်းမြစ်များ

मत्ती 26:11

गरीब तां तुसा कने हमेसा रैहन्दे, पर मैं तुसा कने हमेसा नी रैह्णा।

मत्ती 5:42

जे कोई तेरे का मंगो, तां तिसजो दे, अते जे कोई तेरे का उधार लैणा चाओ, तिसजो पीठ्ठ मत दिख्खा।”

मरकुस 7:19

किजोकी से मन बिच नी, पर पेट बिच जान्दी, अते संडास बिच निकली जान्दी?” इस तरिक्के कने यीशु ने सारी खाणे वाली चीजां जो साफ ठैहराया।

लूका 12:33

इधेरे तांइ अवे अपणी जायदात बेच्ची करी पैसे गरीबां जो दान करी देयो इय्यां करणे पर तुसा अपणे तांइ स्वर्ग अन्दर धन्न-दौलत कठेरगे जे कि कदी नी मुकणी ते अप्पु जो इदेय बटुए बणाओ जे पुराणे नी हुदें, मतलब अप्पु जो स्वर्ग बिच धन-दौलत कठेरो जे घटदा नी ते जिसेरे नेड़े चोर नी जादां, ते कीड़ा नी तिसजो खराब करता

लूका 16:9

मैं तुसा जो बोलदा कि दुनिया री धन-दौलत कने तुसा दूज्जेयां रा भला करो अते तिन्हा जो अपणा मित्तर बणाई लेयो किजोकी जां तुसा रे मरणे का बाद तुसा जो अपणे कने हमेसा रे स्वर्गीय घर बिच लेई लैणा।

लूका 18:22

यीशु ने ए सारी गल्लां जो सुणी करी तिसजो बोल्लेया, तेरे बिच अवे भी इक्क गल्ल री कमी है, से ए कि अपणा सब किच्‍छ बेच्ची करी गरीब्बां बिच बन्डी दे फिरी तिज्जो स्वर्ग रा धन्न मिलणा! फिरी आ अते मेरा चेल्ला बणी जा!

लूका 19:8

जां यीशु ते तिन्हेरे चेल्‍ले तिसेरे घरे रोट्टी खाया करदे थिये तां जक्कई खड़े होई गेया अते यीशु जो बोलणा लग्गेया, ओ प्रभु जी, मैं अपणी धन-दौलत रा अद्दा हिस्सा गरीबां बिच्च बन्डी दैणी अते प्रभु जी मैं जिन्हा मणूआं जो ठग्गी करी तिन्हा का जरुरत का जादा लित्ते दा है तिन्हा जो मैं चार गुणा मोड़ी दिह्गां।

प्रेरितां रे कम्म 10:15

फिरी दूज्जी वरी तिसजो अवाज सुणिती, कि जे किच्‍छ परमेश्वर ने सुच्चा कित्ते रा है, तिसजो तू भिठ्ठा मत बोल।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

प्रेरितां रे कम्म 24:17

मते साल्लां बाद मैं अपणे लोक्कां जो दान दैणा, ते परमेश्वर जो भेंट चढ़ाणे तांइ यरुशलेम सहर बिच आया थिया।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

तीतुस 1:15

जिन्हा लोक्कां रे दिल बिच पाप वाली कोई सोच नी है तिन्हा लोक्कां तांइ हर किच्‍छ सुच्चा ही है। पर जे मणू बुरे हिन ते मसीह यीशु बिच विश्वास नी करदे से मणू कुसकी भी चीज जो सुच्चा नी समजदे किजोकी तिन्हेरी समझ ते विवेक गन्दी गल्लां कने भरे रे हिन।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।