लूका 11:4 - चम्बयाली नौआ नियम

⁴ ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

लूका 11:4 ပူးပေါင်းရင်းမြစ်များ

मत्ती 18:35

इय्यां ही जे तुसा बिच सब अपणे संगी विश्वासी जो माफ नी करगे तां मेरे स्वर्ग बिच रैह्णे वाले पिता ने भी तुसा कने तिय्यां ही करणा।

मत्ती 26:41

जागदे रेयो, ते प्रार्थना करदे रेयो की तुसा परिक्षा बिच ना पेयो: आत्‍मा तां तैयार है, पर सरीर कमजोर है।

लूका 11:5

फिरी यीशु ने तिन्हा जो बोल्लेया, कि तुसा बिच का इदेया कुण है कि तिसेरा इक्क मित्र हो ते से तिसका धरात्ते पर आई करी ए बोल्ली करी त्रै रोटियां मन्गो कि

लूका 13:4

या तुसा इय्यां समजदे कि से अठारा मणू जिन्हा पर शीलोह नां री जगाह् बिच गुम्मट पेया थिया, ते से दबी करी मरी गे थिये: कै से यरुशलेम सहर बिच रैह्णे वाले होरणी मणूआं का भी जादा पापी थिये?

लूका 22:46

यीशु ने तिन्हा जो बोल्लेया, तुसा सोई किजो गेरे हिन? उठी जाओ अते प्रार्थना करो, ताकि परखे ना जाओ।

लूका 8:13

जे बीह् पथरिली मिट्टी पर पे थिये, से तिन्हा मणूआं सांई हुन्दे जे वचनां जो बड़े मजे कने सूणदे अते तिन्हा पर चलणा भी लग्गी पैंदे, पर वचन तिन्हेरे मना बिच पकड़ नी बणाई पांदा ते किच्‍छ बेल्ले तांइ से वचना पर विश्वास तां करदे पर, जां परखिणे रा बेल्ला आन्दा तां से बहकी जादें।

यूहन्ना 17:15

मैं ए प्रार्थना नी है करदा कि तुसा इन्हा जो दुनिया का चुक्की लेयो बल्कि ए कि तुसा उन्हेरी शैतान का रक्षा करो।

1 कुरुन्थियों 10:13

तुसा सिर्फ इदेइ ही परिक्षा बिच ही पे, जदेई परिक्षा बिच सारे जणे पैंदे। परमेश्वर भरोस्सेमंद हिन ते तिन्हा ने तुसा जो सैह्णे री ताकत का बधी करी कुसकी परिक्षा बिच नी पैणा दैणा। पर तिन्हा ने तुसा जो से ताकत दैणी जिसेरी जरुरत तुसा जो पाप करणे का बचणे तांइ पैणी।

कुलुस्सियों 3:13

अगर तुसा का कुसकी पर इल्जाम लाणे री कोई वजह हो तां भी तुसा इक्क-दुजे री गल्लां जो सहन करी लेयो, इक्क-दूज्जे रे अपराध माफ करी देयो, जिय्यां की प्रभु ने भी तुसा रे अपराध माफ कित्ते, तिय्यां तुसा भी करो।

2 थिस्सलुनीकियों 3:3

पर प्रभु भरोस्सेमंद हिन, तिन्हा ने तुसा जो आत्मिक रुप कने मजबूत बनाणा ते तुसा जो शैतान का बचाई रखणा।

2 तीमुथियुस 4:18

ते प्रभु ने मेरे जो हर इक्क बुराई का बचाणा, ते तिन्हा ने मेरे जो स्वर्ग अंदर अपणे राज बिच सुरक्षित तौर पर पूजाणा। तिन्हेरी महिमा हमेसा-हमेसा तांइ हुंदी रेय। आमीन!

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

प्रकाशित वाक्य 2:10

तिन्हा जुल्मां का मत डरो जे तुसा पर होणे वाले हिन। शैतान ने अपणे किच्‍छ लोक्कां का तुसा बिच रे किच्‍छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।