लूका 11:34 - चम्बयाली नौआ नियम

³⁴ हाख्खियां मणू रे सरीर रे दीये सांई हुंदी, इधेरे तांइ जे अगर तेरी हाख्खी साफ है तां तेरा पूरा सरीर भी लौ कने चमकदा होणा पर जे अगर से बुरी हिन तां तेरा पूरा सरीर न्याहरा है।

लूका 11:34 ပူးပေါင်းရင်းမြစ်များ

मरकुस 4:12

ताकि से वचन पूरा हो कि; “से दिखदे होए भी ना दिख्खी सकण, ते सूणदे होए भी ना समजे; इय्यां ना हो। कि से पाप करणा छड्डी दैण ते परमेश्वर का हटी आण ते माफ कित्ते जाण।”

मरकुस 7:22

व्यभिचार, लालच, बुराई करणा, धोखा, लुचपन, हिर्स, चुगली, घमंड, अते बेफकुफी।

मरकुस 8:18

कै तुम्हारी हाख्खियां हुन्दे भी नी दिखदे, अते कान्न हुन्दे भी नी सूणदे? कै तुसा जो किच्‍छ भी चेत्ता नी है?”

लूका 11:35

इधेरे तांइ ध्यान रेयो, कि तुसा रे अन्दर री लौ नह्यारा नी बणी जाओ

प्रेरितां रे कम्म 13:11

अवे दिख्ख, प्रभु तिज्जो सजा दैणे वाले हिन, तू तां तांइ अन्ने रैह्णा जां तांइ सूरज जो नी दिख्खी लिन्दा, ते तिस्सी बेल्ले तिस पर धुन्दलापन अते न्याहरा तिस पर छाई गेया, ते से इत्ते-उत्ते हत्थ पैर मारणे लग्गेया, ताकि तिसेरा हत्थ पकड़ी करी तिसजो कोई लेई चले।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 11:3

पर मैं डरदा कि जिय्यां शैतान ने कीड़े रे रुप बिच, अपणी चलाकी कने हव्वा जो बैह्काया थिया, तिय्यां ही तुसा रे मन तिस सिधाई ते पवित्रता, जिस कने तुसा जो मसीह यीशु रा आदरमान करणा चाएदा, कुदखी भ्रष्ट नी कित्ते जाण।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

इफिसियों 6:5

ओ गुलामों, इस दुनिया बिच जे तुसा रे मालक हिन, तिन्हेरे हुकमां जो मन्नों ते अपणे मन रे सिद्देपन कने तिन्हेरे तिन्ने ही भरोसेमंद रेयो जिन्ना तुसा मसीह कने हिन,

कुलुस्सियों 3:22

ते गुलामों, सुणो, ईमानदारी कने अपणे दुनियावी मालिकां रे हुकमां जो मन्नेया करो, सिर्फ तिस बेल्ले ही नी जां से तुसा जो दिखदे होण, दिल री पूरी ईमानदारी ते प्रभु तांइ आदरमान कने करो।