लूका 11:32 - चम्बयाली नौआ नियम

³² नीनवे रे मणूआं ने भी परमेश्वर रे हिसाब लैणे वाले रोजे अज्ज रे जुग रे मणूआं पर इल्जाम लाणे, किजोकी उन्हा ने योना री गल्लां सुणी करी अपणे पाप का तौबा कित्ती थी, ते अवे तां योना का भी खास कोई इत्ते है।

लूका 11:32 ပူးပေါင်းရင်းမြစ်များ

मत्ती 12:39

पर यीशु ने जवाब दित्तेया, ए बुरी अते व्यभिचारी पीढ़ी निशानी दिखणे री इच्छा रखदी, फिरी भी इन्हा लोक्कां जो योना भविष्यद्वक्ता जो दित्ती गेरी निशानी रे अलावा होर कोई निशानी नी दित्ती जाणी।

मत्ती 12:41

हिसाब-किताब रे बेल्ले नीनवे रे मणूआं ने अज्ज री इस पीढ़ी रे मणूआं कने उठी करी उन्हा जो कसुरवार दस्सणा किजोकी नीनवे रे लोक्कां ने योना री उपदेस सुणी करी अपणे पाप्पां का तौबा कित्ती थी, अते इत्ते तां कोई योना का भी बड्डा है पर तुसा फिरी भी तौबा नी करदे।

लूका 11:31

दक्षिण री राणी ने इस जमाने रे मणूआं पर इल्जाम लगाणे ते तिन्हा जो गुनेह्गार साबित करणा, किजोकी से राजा सुलैमान री समजदारी वाली गल्लां सुनणे तांइ दुनिया रे इक्क कुणे का आए थी, ते इत्ते तां कोई राजा सुलैमान का भी बड्डा है।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।