लूका 11:20 - चम्बयाली नौआ नियम

²⁰ पर जे मैं परमेश्वर रा नां लेई करी दुष्टात्मा जो कडदा, तां तुसा ए समजी लेयो कि परमेश्वर तुसा रे बिच राज करणे तांइ आई गेरे हिन।

लूका 11:20 ပူးပေါင်းရင်းမြစ်များ

मत्ती 12:28

पर जे मैं दुष्टात्मा जो पवित्रात्मा रे जरिए कडदा तां परमेश्वर रा राज तुसा का आई गे रा है।

लूका 10:9

तित्ते रे बिमार मणूआं जो खरा करो ते तिन्हा जो बोल्लो, कि परमेश्वर राज करणे तांइ तुसा रे नेड़े आई गे रा है

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

लूका 10:11

कि तुसा रे ग्रां री धूड़ जो असी तुसा रे सामणे अपणे पैरां का झम्मी करी इत्ते का चली पे, पर ए गल्ल समजी लेयो, कि परमेश्वर राज करणे तांइ तुसा रे नेड़े आई गे रा है

2 थिस्सलुनीकियों 1:5

तुसा परमेश्वर तांइ दुख-मुसीबतां सहन करेया करदे हिन ते ए तुसा जो तिन्हेरे राज बिच जाणे रे लायक बणांदा। ए इस गल्ल रा सबूत है कि परमेश्वर ने धार्मिकता कने तुसा रा हिसाब-किताब करणा।

प्रेरितां रे कम्म 20:25

पर मेरे जो पता है कि तुसा सब जणे जिन्हा बिच मैं परमेश्वर रे राज रा प्रचार करदा रेया, तुसा मेरे जो फिरी नी दिख्खणा।

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

लूका 11:21

जां कोई ताकतवर मणू पूरी तयारी कने अपणे घर री पैहरेदारी करदा तां तिसेरा घर-बार बची रैहन्दा।