लूका 11:2 - चम्बयाली नौआ नियम

² तिन्हा ने तिसजो बोल्लेया, ठीक है, तां प्रार्थना करदे बेल्ले इय्यां बोल्लेया करो ओ असा रे पिता जी, तुसा रे नां जो पवित्र मन्यान जाये, तुसा रा राज इस दुनिया पर आई जाओ।

लूका 11:2 ပူးပေါင်းရင်းမြစ်များ

मत्ती 10:32

जे कोई मेरे जो मणूआं रे सामणे अपनांगा, मैं भी तिसजो अपणे स्वर्ग बिच रैह्णे वाले परम-पिता रे सामणे अपणाई लैणा।

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

मत्ती 5:16

इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

लूका 11:1

इक्क रोज यीशु इक्क जगाह् पर प्रार्थना करेया करदे थिये जां से प्रार्थना करी बैठे तां तिन्हेरे चेल्‍लेयां बिच का इक्क ने तिन्हा जो बोल्लेया, ओ प्रभु जी, जिय्यां यूहन्ना ने अपणे चेल्‍लेयां जो प्रार्थना करणा सखाए रा है, तुसा भी असा जो तिय्यां ही सिखाओ।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

1 कुरुन्थियों 1:3

असा रे पिता परमेश्वर री ते प्रभु मसीह यीशु का तुसा सबणी जो अनुग्रह ते सांती मिलदी रे।

2 कुरुन्थियों 1:2

असा रे स्वर्ग बिच रैह्णे वाले पिता परमेश्वर अते प्रभु मसीह यीशु रे पास्से का तुसा सारेयां जो अनुग्रह अते सांती मिलदी रे।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

इफिसियों 1:2

तुसा जो असा रे पिता परमेश्वर अते मसीह यीशु रे पास्से का अनुग्रह ते सांती मिलदी रे।

फिलिप्पियों 1:2

असा रे पिता परमेश्वर ते प्रभु यीशु मसीह रे पास्से का तुसा जो अनुग्रह ते सांती मिलदी रेयो।

फिलिप्पियों 4:20

असा रे परमेश्वर ते पिता री बड़ाई हमेसा-हमेसा तिकर हुंदी रे आमीन।

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 15:4

ओ प्रभु, कुण तेरे का नी डरगा ते तेरे नां री महिमा नी करगा? किजोकी सिर्फ तू ही पवित्र है सारी जातियां आई तेरे सामणे प्रणाम करगी, किजोकी तेरे इंसाफ रे कम्म सामणे आई गेरे हिन।

प्रकाशित वाक्य 19:6

फिरी मैं बड्डी भीड़ जदेया ते बड़े झरने री अवाज ते गर्जन री अवाज सूणी, हाल्लेलुयाह: किजोकी प्रभु असा रा सर्वशक्तिमान परमेश्वर राज करदे।

प्रकाशित वाक्य 20:4

फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्‍मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।