लूका 11:13 - चम्बयाली नौआ नियम

¹³ बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

लूका 11:13 ပူးပေါင်းရင်းမြစ်များ

मत्ती 5:16

इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

मत्ती 5:45

ताकि तुसा अपणे पिता परमेश्वर रे बच्चे बणी सको जे स्वर्ग बिच हिन, किजोकी से ठीक लोक्कां पर ते बुरे लोक्कां पर अपणा सूरज चमकान्दा, अते धार्मिक अते अधर्मी दोन्नां लोक्कां पर बरखा बरसांदे।

मत्ती 6:14

“इधेरे तांइ जे तुसा मणूआं रे पाप्पां जो माफ करगे, तां तुसा रे पिता परमेश्वर ने जे स्वर्ग बिच रैहन्दे तुसा जो माफ करी दैणा।”

मत्ती 6:30

इधेरे तांइ जां परमेश्वर द्रबड़ री घा जो, जे अज्ज है ते कल भट्टी बिच सूटी दित्ती जाणी, तिसेरा इन्ना ख्याल रखदे, तां ओ घट्ट विश्वास वाले लोक्कों, तां तिन्हा ने तुसा रा तिसका बधी करी ख्याल नी रखणा?

मत्ती 6:32

किजोकी गैर यहूदी इन्हा सबणी चीजां रे पीच्छे लगे रैहन्दे, पर फिकर मत करो किजोकी तुसा रे पिता परमेश्वर जे स्वर्ग बिच हिन, तिन्हा जो पता है कि तुसा जो इन्हा सबणी चीजां री जरुरत है,

मत्ती 7:11

इधेरे तांइ जे चाये तुसा बुरे ही किजो नी हिन, अपणे बच्चेयां जो ठीक चीजां दैणा जाणदे तां तुसा रा पिता परमेश्वर जे स्वर्ग बिच हिन तुसा रे मन्गणे पर ठीक चीजां किजो नी दिंगा?

लूका 11:12

या पुत्तर आंड्डा मंगो तां तिस्जो बिच्छु देई देयो

लूका 11:2

तिन्हा ने तिसजो बोल्लेया, ठीक है, तां प्रार्थना करदे बेल्ले इय्यां बोल्लेया करो ओ असा रे पिता जी, तुसा रे नां जो पवित्र मन्यान जाये, तुसा रा राज इस दुनिया पर आई जाओ।

लूका 18:7

तां कै परमेश्वर अपणे चुणे दे मणूआं पर ध्यान नी दिह्गां, जे तिन्हा जो रात-ध्याड़ी चेता करदे अते मन्गदे कि असा जो फैसला कर? कै परमेश्वर ने तिन्हेरी सुनणे तांइ बड़ी हाण लगागाँ?

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

रोमियों 5:17

इक्क मणू रे पाप करणे री वजह कने मौत सारे लोक्कां बिच फैल्ली गेई, पर तिसका जादा बदधी करी परमेश्वर री अनौखा अनुग्रह ते धार्मिकता रा दान है, किजोकी जिन्हा ने भी ए दान पाणा, तिन्हा ने मसीह यीशु रे जरिये पाप ते मौत पर जीत हासिल करी के हमेसा री जिन्दगी पाई लैणी।

रोमियों 7:18

किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

रोमियों 8:32

परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।