लूका 11:10 - चम्बयाली नौआ नियम

¹⁰ किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

लूका 11:10 ပူးပေါင်းရင်းမြစ်များ

मत्ती 5:42

जे कोई तेरे का मंगो, तां तिसजो दे, अते जे कोई तेरे का उधार लैणा चाओ, तिसजो पीठ्ठ मत दिख्खा।”

मत्ती 7:8

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

लूका 11:11

तुसा बिच का इदेया कुण प्यो हुँगा, जिसेरा पुत्तर तिसका रोट्टी मंगो तां से तिसजो पत्थर पकड़ाई देयो: या तां से मच्छी मंगो तां से कीड़ा पकड़ाई देयो?

लूका 11:9

ते मैं इधेरे तांइ मैं तुसा जो बोलदा कि तुसा मंगगे तां तुसा जो दित्तेया जाणा तोपगे तां से मिल्णा अते खटखटाँदे रैह्न्गे तां तुसा तांइ दुआर खोली दित्ते जाणे

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

याकूब 4:3

हांलाकी तुसा परमेश्वर का मगंदे पर फिरी भी तुसा जो नी मिलदा किजोकी बुरी नीत कने मगंदे ताकि अपणे एशो-अराम बिच उड़ाई देयो।

याकूब 5:11

असी सबर रखणे वाले लोक्कां जो धन्न बोलदे। तुसा अय्यूब नां रे मणू रे सबर रखणे रे बारे बिच तां सुणे रा ही है, ते प्रभु ने आखर तिसजो जे प्रतिफल दित्ता तिसजो तुसा जाणी लित्ते रा कि प्रभु अती करुणामयी ते दयालू हिन।