लूका 11:1 - चम्बयाली नौआ नियम

¹ इक्क रोज यीशु इक्क जगाह् पर प्रार्थना करेया करदे थिये जां से प्रार्थना करी बैठे तां तिन्हेरे चेल्‍लेयां बिच का इक्क ने तिन्हा जो बोल्लेया, ओ प्रभु जी, जिय्यां यूहन्ना ने अपणे चेल्‍लेयां जो प्रार्थना करणा सखाए रा है, तुसा भी असा जो तिय्यां ही सिखाओ।

लूका 11:1 ပူးပေါင်းရင်းမြစ်များ

लूका 10:42

पर इक्क बदिया चीज है जिस जो मरियम ने चुणी लित्ते रा है, जे तिसका खुस्सेया नी जाणा।

लूका 11:2

तिन्हा ने तिसजो बोल्लेया, ठीक है, तां प्रार्थना करदे बेल्ले इय्यां बोल्लेया करो ओ असा रे पिता जी, तुसा रे नां जो पवित्र मन्यान जाये, तुसा रा राज इस दुनिया पर आई जाओ।

लूका 6:12

फिरी इक्क रोज यीशु प्रार्थना करणे तांइ पहाड़ पर चढ़ी गे, अते सारी रात परमेश्वर का प्रार्थना करदे रे।

लूका 7:13

ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

लूका 7:19

तां यूहन्ना ने अपणे दो चेल्‍लेयां जो यीशु का ए पूच्छणे तांइ भेज्जेया, कि जिस मसीह यीशु जो असी भालदे हिन, से तुसा ही हिन, कि से कोई होर है?

लूका 9:18

इक्क रोज यीशु मणूआं का बखरे होई करी इक्क कह्ल्ली जगाह् बिच प्रार्थना करणे जो गे, ते तिन्हेरे सोग्गी चेल्‍ले भी थिये, तां यीशु ने तिन्हा का पूच्छेया, कि मणू मेरे बारे अन्दर कै सोचदे कि मैं कुण है?

लूका 9:28

इन्हा गल्लां रे कोई आठ्ठ रोज्जां बाद यीशु अपणे कन्ने पतरस, याकूब, ते यूहन्ना जो लेई करी प्रार्थना करणे तांइ इक्क पहाड़ पर गे।

इब्रानियों 5:7

जा मसीह यीशु इस दुनिया बिच इक्क मणू रे रुप बिच थिये, तां तिन्हा ने तिस परमेश्वर का रोई-रोई करी प्रार्थनां ते मिन्नतां कित्ती, जे तिन्हा जो मौत का बचाई सकदे थिये। ते परमेश्वर ने तिन्हेरी प्रार्थना सुणी किजोकी यीशु निमतेपन कने परमेश्वर रा हुकम मनणे तांइ तैयार थिये।

यहूदा 1:20

पर प्यारे दोस्तों, तिन्हा पवित्र शिक्षां रे आधार पर इक्क-दूए जो प्रोत्साहित ते इक्क-दूए री मदद करदे रेया करो जिस पर तुसा ने विश्वास कित्तेया ते जिस बिच तुसा पवित्रात्मा रे बोल्ले प्रार्थना भी करदे।