लूका 10:7 - चम्बयाली नौआ नियम

⁷ तिसी घर बिच रेयो, ते जे किच्‍छ तिन्हा का मिल्ले, से ही खाओ, किजोकी मजदूर जो तिसेरी मजदूरी मिलणा चाएदी, घर-घर मत फिरदे।

लूका 10:7 ပူးပေါင်းရင်းမြစ်များ

मरकुस 6:10

ते यीशु ने अपणे चेल्‍लेयां जो बोल्लेया, “जिस कुसी घर बिच जाओ, तां जां तिकर उत्ते का निकली ना जाओ तां तिकर तिस्सी घर बिच ही ठैहरे रेयो।

लूका 10:6

जे अगर से मणू इस सांती जोग्गे हुन्गे तां से तिन्हा पर बणी रैह्णी ते जे से इस जोग्गे नी होये तां से सांती तुसा का वापस हटी आणी।

लूका 9:4

ते तुसा जिस भी ग्रां अन्दर जांह्गे, तित्ते कुसकी इक्क घर अन्दर प्रोह्णे बणी करी रेय, जां तांइ तुसा तिस ग्रां का बाहर नी आन्गे, तां तांइ तिस ही घर बिच रेयो

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 16:34

फिरी से पौलुस ते सीलास जो अपणे घरे लेई गेया ते तिन्हा जो रोट्टी खुआई ते सारे घरेतां जो परमेश्वर पर विश्वास करणे री वजह कने खुसी होई।

प्रेरितां रे कम्म 16:40

पौलुस ते सीलास जेल रे बाहर निकली करी लीदिया रे घरे पूज्जे ते संगी विश्वासियां कने मिल्ले ते पौलुस ते सीलास ने तिन्हेरा होंसला बद्धाया ते तित्ते का चली गे।

गलातियों 6:6

जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।

1 तीमुथियुस 5:13

ते इस कने से लोक्कां रे घरे-घरे घुम्मी-फिरी करी आलसी होई जांदी ते लोक्कां रे बारे बिच चुगलखोरी करणा सुरु करी दिंदी, से लोक्कां रे मामलेयां बिच दखलअंदाजी करदी ते पुठ्ठी-सीद्दी चीजां बोलदी।

2 तीमुथियुस 2:6

फसल रे पैल्ले हिस्से रा हकदार भी से किसान ही है जिनिये तिसजो बाणे बिच मैहनत कित्ते री है।