लूका 10:3 - चम्बयाली नौआ नियम

³ जाओ दिख्खो, जिय्यां भेड़ां भेड़िये बिच मझाटे होण तिय्यां ही मैं तुसा जो तिन्हा लोक्कां रे बिच मझाटे भेज्जेया करदा है।

लूका 10:3 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मत्ती 10:22

मेरी नां री वजह कने सबने तुसा रे कने नफरत करणी, पर जे आखर तांइ सबर रखगा तिसेरा ही छुटकारा होणा।

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

लूका 10:4

इधेरे तांइ, तुसा जान्दे बेल्ले अप्पु कन्ने किच्‍छ भी मत लिन्दे, ना बटुआ, ना झोला ते ना तां बूट अते रस्ते अन्दर कुसकी रा हाल-चाल भी मत पुछदे

यूहन्ना 10:12

मजदूर भेड़िये जो आंदा दिख्खी करी नह्सी जांदा। किजोकी से ना तां तिन्हेरा पुहाल है ते ना ही भेड़ां रा मालक है, इधेरे तांइ तिन्हेरी परवाह नी करदा। भेड़िया तिन्हा भेड़ां पर हमला करी के तिन्हेरे जो बखेरी दिंदा।

यूहन्ना 15:20

मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

प्रेरितां रे कम्म 20:29

मैं जाणदा कि खूंखार भेड़िये जदेय झूठ्ठे शिक्षकां ने तुसा रे बिच-मझाटे मण्डली जो तोडणे तांइ घुसी जाणा।

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

प्रेरितां रे कम्म 9:2

ते तिसका दमिश्क कस्बे रे सभास्थल रे नां पर इस गल्ल पर चीठ्ठियां मगीं कि कै मर्द ते कै जनानी, जे भी मसीह यीशु रे पंथ पर चलदे, तिन्हा जो कैद करी के यरुशलेम सहर लेई आए।