लूका 10:22 - चम्बयाली नौआ नियम

²² फिरी यीशु ने तिन्हा चेल्‍लेयां जो बोल्लेया, मेरे पिता जी ने मेरे जो सबणी चीजां पर हक्क दित्ते रा है ते पिता ही जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा

लूका 10:22 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 10:15

जिय्यां प्यो मेरे जो जाणदा ते मैं प्यो जो जाणदा, ते मैं अपणी भेड़ां तांइ हमेसा जान दैणे तांइ तैयार रैहन्दा।

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 17:10

अते सब किच्‍छ जे मेरा है, से तुसा रा है, अते जे तुसा रा है, से मेरा है अते मेरे जो उन्हेरे जरिए बड़ाई मिल्ली।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

यूहन्ना 3:35

“पिता” अपणे पुत्तर कने प्यार रखदा, ते तिन्हा ने सारी चीजां पुत्तर रे हत्थां अन्दर देई दित्ते री हिन,

1 कुरुन्थियों 15:24

इसेरे बाद जां मसीह ने सारा किच्‍छ मुकाई दैणा, तां दुनिया रा खात्मा होई जाणा ते मसीह यीशु ने राज परमेश्वर पिता जो सौंप्पि दैणा।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

इफिसियों 1:21

तित्ते मसीह जो हर तरिक्के री प्रधानी, हक, ताकत, प्रभुता ते सारे पद रे उप्पर बिठाया जे ना सिर्फ इस दुनिया रे बिच है पर से पद आणे वाली दुनिया रे बिच भी होणा।

इब्रानियों 2:8

तुसा मणूआं जो सारी चीजां पर राज करणे रा हक दित्ते रा है।” ते हर चीज मणूआं रे अधीन करी दित्ते री है, ते कुसकी भी चीज जो तिन्हेरी अधीनता का बाहर नी रख्खेया। पर अवे अज्ज रे बेल्ले असी हर इक्क चीज जो तिन्हेरी अधीनता बिच नी दिखदे।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।