लूका 10:18 - चम्बयाली नौआ नियम

¹⁸ इस गल्ल पर यीशु ने तिन्हा जो बोल्लेया, मैं शैतान जो आसमान का बिजली सांई थल्ले पैंदे दिख्खेया।

लूका 10:18 ပူးပေါင်းရင်းမြစ်များ

मत्ती 4:10

तां यीशु ने तिसजो बोल्लेया, “ओ शैतान, दुर होई जा किजोकी पवित्रशास्त्र बिच लिख्खे रा है, ‘तू प्रभु अपणे परमेश्वर जो ही प्रणाम कर अते सिर्फ उन्हेरी ही सेवा कर।’”

यूहन्ना 12:31

अवे इस दुनिया रे लोक्कां रा हिसाब-किताब होणा, अवे इस दुनिया रा सरदार जे शैतान है, तिसजो कड्डी दित्तेया जाणा।

यूहन्ना 16:11

अते हिसाब-किताब रे बारे बिच, इधेरे तांइ कि दुनिया रे शासक, शैतान जो कसुरवार ठैहराई दित्तेया गे रा है।

इब्रानियों 2:14

किजोकी परमेश्वर रे बच्चे इन्सान हिन, जे मांस ते खून कने बणे रे हिन, ते पुत्र भी इन्सान बणेया। किजोकी इक्क इन्सान रे रुप बिच ही से मरी सकदा थिया, ते सिर्फ मरणे रे जरिये ही से शैतान री ताकत जो तोड़ी सकदे थिये, जिस का मौत री ताकत थी।

1 यूहन्ना 3:8

जे कोई पाप करदा रैहन्दा, से शैतान रे पास्से का है किजोकी शैतान दुनिया रे बणने का पैल्ला का ही पाप करदा आया है, इधेरे तांइ परमेश्वर रा पुत्तर आया कि से शैतान रे कम्मां जो खत्म करण।

प्रकाशित वाक्य 20:2

तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”

प्रकाशित वाक्य 9:1

अते जां पंजमे स्वर्गदूत ने तुरही बजाई, तां मैं आसमान का धरती पर तारा पैंदा दिख्खेया, अते तिसजो पताल री चाब्बी दित्ती गे री थी, जिसेरा कोई अंत नी है।