लूका 10:11 - चम्बयाली नौआ नियम

¹¹ कि तुसा रे ग्रां री धूड़ जो असी तुसा रे सामणे अपणे पैरां का झम्मी करी इत्ते का चली पे, पर ए गल्ल समजी लेयो, कि परमेश्वर राज करणे तांइ तुसा रे नेड़े आई गे रा है

लूका 10:11 ပူးပေါင်းရင်းမြစ်များ

मत्ती 10:14

जे कोई तुसा जो नी अपणांदा अते तुसा री गल्लां नी सूणदा, तां तिस घर या तिस सहर का जांदे बेल्ले अपणे पैरां का धूल झम्मी आयो।

मत्ती 10:7

अते जांदे-जांदे तुसा ए प्रचार करी के बोलेयो, स्वर्ग रा राज नेड़े आई गे रा है।

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

मरकुस 6:11

जिस जगाह् रे मणू तुसा जो ना अपनाण ते तुसा री ना सूणन, उत्ते का जादें ही अपणे तलियां री धूड़ झाड़ सूट्टो ताकि ए तिन्हा लोक्कां रे खलाफ ए गवाई हो कि तिन्हा ने तुसा री गल्ल नी सूणी।”

लूका 10:10

पर, जे कुसकी ग्रां रे मणू तुसा रे आणे पर खुस नी होण तां तिस जगाह् री सड़कां पर जाई करी बोल्लेया करो,

लूका 10:9

तित्ते रे बिमार मणूआं जो खरा करो ते तिन्हा जो बोल्लो, कि परमेश्वर राज करणे तांइ तुसा रे नेड़े आई गे रा है

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

प्रेरितां रे कम्म 13:26

ओ भाईयों, तुसा जे अब्राहम री औलाद हिन, ते जे तुसा परमेश्वर रा डर मनणे वाले हिन, परमेश्वर ने तुसा तांइ मसीह यीशु रे बारे बिच ए बसेख भेज्जे रा है जे लोक्कां जो बचांदे।

प्रेरितां रे कम्म 13:40

इधेरे तांइ तैयार रेयो, इय्यां ना हो कि जे भविष्यद्वक्ता री कताब बिच लिख्खे रा है से तुसा कने भी होई जाण

प्रेरितां रे कम्म 13:46

तां पौलुस ते बरनबास ने निडर होई करी बोल्लेया, जरुरी थिया, कि परमेश्वर रा वचन पैल्ले तुसा जो सुणाया जांदा, पर हालांकि तुसा तिसजो नक्कारदे हिन, ते अप्पु जो हमेसा री जिन्दगी रे लायक नी समजदे, तां दिख्खो, असा गैर यहूदियां पास्से मुड़ेया करदे हिन।

प्रेरितां रे कम्म 13:51

तां पौलुस ते बरनबास तिन्हेरे सामणे अपणे पैरा री धूल झम्मी करी इकुनियुम सहर जो गे।

रोमियों 10:21

पर इस्राएली लोक्कां रे बारे बिच परमेश्वर ने ए बोल्लेया, “मैं सारा दिन, मेरा हुकम ना मनणे वाले, ते मेरे खिलाफ रैह्णे वाले लोक्कां अग्गे तिन्हा जो फिरी अपणाई लैणे तांइ अपणे हत्थ फलाई रख्खे।”

रोमियों 10:8

पर ए लिख्खे गे रा है, “परमेश्वर रा संदेश, तुसा रे नेड़े है, तुसा इस बसेख जो अपणी जुबान कने मन्नी सकदे, जे तुसा रे दिल बिच है” मतलब कि, ए परमेश्वर बिच विश्वास करणे रा से बसेख है, जिसेरा असी प्रचार करदे।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।