लूका 1:80 - चम्बयाली नौआ नियम

⁸⁰ जिय्यां-जिय्यां जकरयाह रा बच्चा, यूहन्ना, मुटिंदे गेया, तिय्यां ही से आत्मिक तरिके कने भी पक्का हुन्दा गेया, ते जां तांइ तिनिये इस्राएल रे लोक्कां सामणे आई करी प्रचार करणा सुरु नी कित्तेया, तां तांइ से बियाबान जगाह् बिच रेया।

लूका 1:80 ပူးပေါင်းရင်းမြစ်များ

मत्ती 11:7

जां यूहन्ना रे चेल्‍ले तित्ते का चली गे, तां यीशु यूहन्ना रे बारे बिच मणूआं जो बोलणा लगे, तुसा बणा बिच कै दिखणा गे थिये? कै ब्यार कने हिलदे नलू?

मत्ती 3:1

तिन्हा रोज्जे यूहन्ना बपतिस्मा दैणे वाला यहूदियां प्रदेश री बियाबान जगाह् अन्दर आई करी ए प्रचार करणा लग्गेया,

लूका 1:15

किजोकी तिन्ने प्रभु री नजरां बिच महान मणू होणा, तिसजो अंगूर रा रस्स या सराब पीणा मना है, अते से पैदा होणे का पैल्ले ही पवित्रात्मा कने भरपूर होणा।

लूका 2:40

ते तित्ते यीशु जिस्मानी ते आत्मिक गल्लां अन्दर मुटिंदे गे से समजदार थिये ते परमेश्वर री दया तिन्हा पर थी

लूका 2:52

ते यीशु समझ, कद-काठी अते परमेश्वर ते मणूआं री दया बिच बद्धदे गे।

यूहन्ना 1:31

मैं तां तिसजो पछियाणदा नी थिया कि से मसीह हिन, मैं इधेरे तांइ पाणी कने बपतिस्मा दिंदा आया कि से इस्राएल रे लोक्कां सामणे आई जाए।

प्रेरितां रे कम्म 18:28

किजोकी पवित्रशास्त्र का प्रमाण देई-देई करी कि यीशु ही मसीह हिन, से यहूदियां जो लोक्कां रे बिच-मझाटे शास्त्र बिच का जबरदस्त गल्लां बोल्ली करी चुप्प करांदा रेया।