लूका 1:74 - चम्बयाली नौआ नियम

⁷⁴ कि से असा रे दुश्मणा रे हत्थां का असा जो बचाई लिन्गे, ताकि असी बगैर डरे रे परमेश्वर री सेवा करदे रैण।

लूका 1:74 ပူးပေါင်းရင်းမြစ်များ

लूका 1:71

कि तिन्हा ने असा जो असा रे दुश्मणा का ते तिन्हा लोक्कां का बचाणा ते जे असा कने नफरत करदे।

लूका 1:73

अते से वादा जे परमेश्वर ने असा रे पुरखे अब्राहम कने कित्तेया थिया,

लूका 1:75

अते सारी उमर-भर, ते हर रोज, परमेश्वर रे अग्गे पवित्र अते धार्मिक बणी करी रेई सकण,

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

2 तीमुथियुस 1:7

किजोकी परमेश्वर ने असा जो डरपोक नी बणाए रा है। बल्कि तिन्हेरा आत्‍मा असा जो आत्मिक ताकत दिंदा, ते असा जो दूए लोक्कां कने प्यार करणे बिच मदद करदा ते असा जो अप्पु पर काबू रखणे री ताकत दिंदा।

इब्रानियों 2:15

जिसेरी वजह कने यीशु ने तिन्हा लोक्कां जो छुटकारा दित्तेया, जिन्हा लोक्कां ने मौत रे डर बिच अपणी जिन्दगी गुलाम्मां सांई कट्टी।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

प्रकाशित वाक्य 2:10

तिन्हा जुल्मां का मत डरो जे तुसा पर होणे वाले हिन। शैतान ने अपणे किच्‍छ लोक्कां का तुसा बिच रे किच्‍छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।