लूका 1:20 - चम्बयाली नौआ नियम

²⁰ पर दिख्ख, अब्बे मैं जे किच्‍छ भी तिज्जो बोल्लेया, तिन्हा गल्लां पर तैं विश्वास नी कित्तेया, ईधेरी तांइ अवे जां तांइ तेरा निक्का पैदा नी होई जान्दा, तां तांइ तैं जल्ला रैह्णा।

लूका 1:20 ပူးပေါင်းရင်းမြစ်များ

मरकुस 16:14

बाद बिच, यीशु अपणे बाकि रे ग्यारह चेल्‍लेयां जो भी दिस्से जां से रोट्टी खाया करदे थिये। से चेल्‍लेयां जो बकणा लग्गे किजोकी तिन्हा ने अपणी ढिठाई ते विश्वास री कमी री वजह कने तिन्हेरे मुर्देयां बिच का जिन्दे होणे रे बारे बिच भरोस्सा नी कित्तेया।

मरकुस 9:19

ए सुणी करी यीशु ने चेल्‍लेयां जो जवाब देई करी बोल्लेया, “ओ अविश्वासी लोक्कों, मैं कधाड़ी तांइ तुसा रे कने रैह्णा? कधाड़ी तांइ तुसा जो सहन करणा? तिस दुष्टात्मा वाले मुंडे जो मेरे का लेई आओ।”

लूका 1:19

तां स्वर्गदूत ने तिस्स जो बोल्लेया, मैं जिब्राईल है, मैं से स्वर्गदूत है, जे हर बेल्ले परमेश्वर रे सामणे खड़ा रैहन्दा मेरे जो परमेश्वर ने तेरे का इधेरे तांइ भेज्जेया कि ए सुब बसेख मैं तिज्जो दस्सी देयां।

लूका 1:21

मन्दिर रे अंगण बिच खड़ित्ते रे सारे मणू जकरयाह रा बाहर आणे रा इतंजार करेया करदे थिये, ते हैरान होणा लग्गे कि तिसजो मन्दिर बिच इन्नी देर किजो लग्गेया करदी है।

लूका 1:22

फिरी जां से बाहर आया, तां तिसका किच्‍छ भी बोल्ली नी होया अते तिसेरी हरकतां जो दिख्खी करी मणू समजी गे, कि इन्ने मन्दिर बिच जाई करी जरुर परमेश्वर रा कोई दर्शन दिख्खया होणा।

लूका 1:45

तू धन्न है किजोकी तैं प्रभु री गल्लां रा भरोसा कित्ता।

लूका 1:64

तिस्सी बेल्ले जकरयाह री जिब्ब खुली गई अते मुँह खुलदे ही से परमेश्वर रा शुकर करणा लग्गी पेया।

रोमियों 3:3

जे अगर किच्‍छ यहूदी मणू परमेश्वर कने भरोसेमंद ना रे तां कै होया? तिन्हेरे भरोसेमंद ना होणे रे बावजूद भी परमेश्वर ने तिन्हा कने अपणे वादे जो पूरा करणे बिच भरोसेमंद रैह्णा।

2 तीमुथियुस 2:13

भले ही अगर असी मसीह कने भरोस्सेमंद बणी करी नी रैह्‍न्दे तां भी मसीह ने असा कने भरोस्सेमंद रैह्णा, किजोकी से अपणे असली स्वभाव रे उलट कम्म नी करी सकदे।

तीतुस 1:2

इसेरे अंजाम रे तौर पर से मणू परमेश्वर कने जीणे री आस बिच रैहन्दे किजोकी परमेश्वर जे कदी झूठ नी बोलदे तिन्हा ने दुनिया बणाणे का पैल्ले ही इस गल्ल रा वादा करी दित्तेया थिया कि तिन्हेरे मणूआं ने हमेसा-हमेसा तांइ जीणा।

इब्रानियों 6:18

इधेरे तांइ परमेश्वर ने असा कने वादा कित्तेया, ते तिन्हा ने असा कने कसम खाई। ए दो गल्लां बदली नी सकदी, किजोकी ए नामुमकिन है कि परमेश्वर झूठ बोल्ले। इधेरे तांइ असी जे तिन्हा का शरण लैणे तांइ, तिन्हा का गेरे हिन, ते जे आस तिन्हा ने असा जो दित्ते री है, तिसजो पाणे तांइ बड़े प्रोत्साहित हिन।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।