लूका 1:2 - चम्बयाली नौआ नियम

² यीशु री सेवकाई री सुरुआत रे बारे बिच से ही गल्लां लिख्खी जे तिन्हा ने तिन्हा लोक्कां का सुणी जिन्हा ने ए सब किच्‍छ अपणी हाख्खियां कने दिख्खेया थिया ते बाद बिच जे मणू मसीह रे सेवक भी बणी गे थिये।

लूका 1:2 ပူးပေါင်းရင်းမြစ်များ

मरकुस 1:1

ए कताब मसीह यीशु रे सुब बसेख रे बारे बिच है, से परमेश्वर रे पुत्तर हिन।

मरकुस 16:20

ते तिन्हा चेल्‍लेयां ने निकली करी हर जगाह् प्रचार कित्तेया, ते प्रभु रे चेल्‍लेयां रे जरिए कम्म करदे रेय, अते तिन्हा नेक-बनेक्के कम्मां रे जरिए जे कन्ने-कन्ने हुंदे थिये, वचनां जो पक्का करदे रेय।

मरकुस 4:14

किसान रा बीह् बोणा लोक्कां जो परमेश्वर रा वचन सुनाणे जो दर्शांदा।

लूका 24:48

तुसा इन सब गल्लां रे गवाह हिन,

यूहन्ना 15:27

अते तुसा ने भी गवाई दैणी, किजोकी तुसा सुरु का ही मेरे कने रे।

यूहन्ना 16:4

अते ए गल्लां मैं इधेरे तांइ बोल्ली कि जां से बेल्ला आये तां तुसा चेत्ता करेयो कि मैं तुसा जो इधेरे बारे बिच दस्सी दित्तेया थिया। अते ए गल्लां मैं तुसा जो सुरु बिच इधेरे तांइ नी दस्सी किजोकी मैं तुसा रे कने थिया।

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

प्रेरितां रे कम्म 14:25

ते पिरगा बिच वचन सूणाई करी अत्तलिया बंदरगाह पर बिच आये।

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

प्रेरितां रे कम्म 26:16

पर अवे उठी करी, अपणे पैरां पर खड़े होई जा किजोकी मैं तिज्जो इधेरे तांइ दर्शन दित्ता कि तिज्जो तिन्हा गल्लां रा भी सेवक ते गवाह ठैह्रां, जे तैं दिख्खियां, ते तिन्हा गल्लां रा भी, जिन्हा तांइ मैं तिज्जो दर्शन दैणा

प्रेरितां रे कम्म 4:20

किजोकी ए तां असा का होई नी सकदा कि जे किच्‍छ असा ने दिख्खेया ते सुणे रा ओ से ना बोलण

प्रेरितां रे कम्म 8:4

पर जे विश्वासी बिखरी गे थिये से जित्ते भी गे तित्ते सुब बसेख सुणादे गे।

रोमियों 15:16

कि मैं गैर यहूदियां तांइ मसीह यीशु रा दास होई करी, परमेश्वर रे सुब बसेख री सेवा इक्क पुरोत्त सांई करां। ताकि मैं तुसा गैर यहूदियां जो पवित्रात्मा रे जरिये पवित्र कित्ते रे इक्क कुर्बानी सांई परमेश्वर जो चढां जिस कने से खुस हुंदे।

1 कुरुन्थियों 4:1

असा जो मसीह रे से सेवक समझो जिन्हा जो परमेश्वर रे बसेख रे राज़ जो फैलाणे रा कम्म दित्ते रा है।

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

2 पतरस 1:16

जां असी प्रेरितां ने तुसा जो मसीह यीशु री ताकत ते तिन्हेरे हटणे रे बारे बिच दस्सेया थिया, तां असी तुसा जो चलाकी कने कोई मनघड़ंत कहाणी नी थिये सुणांदे। बल्कि असी मसीह री महिमा दिख्खे री है।