लूका 1:19 - चम्बयाली नौआ नियम

¹⁹ तां स्वर्गदूत ने तिस्स जो बोल्लेया, मैं जिब्राईल है, मैं से स्वर्गदूत है, जे हर बेल्ले परमेश्वर रे सामणे खड़ा रैहन्दा मेरे जो परमेश्वर ने तेरे का इधेरे तांइ भेज्जेया कि ए सुब बसेख मैं तिज्जो दस्सी देयां।

लूका 1:19 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

लूका 1:20

पर दिख्ख, अब्बे मैं जे किच्‍छ भी तिज्जो बोल्लेया, तिन्हा गल्लां पर तैं विश्वास नी कित्तेया, ईधेरी तांइ अवे जां तांइ तेरा निक्का पैदा नी होई जान्दा, तां तांइ तैं जल्ला रैह्णा।

लूका 1:26

एलीशिबा रे दुपराणी होणे रे छेम्मे महिन्ने अंदर परमेश्वर ने जिब्राईल स्वर्गदूत जो गलील सहर रे नासरत कस्बे बिच,

लूका 2:10

ते तिस बेल्ले स्वर्गदूत ने तिन्हा जो बोल्लेया, तुसा डरो मत, किजोकी दिख्खो, मैं तुसा जो इक्क इदेया सुब बसेख सूणाणा, जे सबणी मणूआं तांइ होणा,

लूका 21:36

हर बेल्ले तैयार रेयो, अते प्रार्थना करदे रेयो कि तुसा जो इन्हा सब गल्लां का, जे होणे वाली हिन, तिन्हा का बचणे री ताकत मिली सकें अते भरोसे कने मणू रे पुत्तर, जे मैं ही है रे अग्गे खड़ी सकण।

इब्रानियों 4:14

यीशु जे स्वर्ग बिच गे थिये, से परमेश्वर रे पुत्तर ते असा रे प्रधान पुरोत्त हिन। से असा सारेयां रे बड्डे पुरोत्त हिन। इधेरे तांइ, असा जो तिस विश्वास जो छड्डे बगैर तिन्हा बिच मजबूती कने बणी रैह्णा चाएदा, जिस जो असी सबका पैल्ले अपणाए रा है।