लूका 1:17 - चम्बयाली नौआ नियम

¹⁷ तिन्ने एलिय्याह री आत्‍मा ते ताकत बिच भरपूर होई करी प्रभु रा रस्ता तैयार करणा, तिन्ने मां-प्यो जो अपणे निके-निकेयाँ कने प्यार करणा सिखाणा, अते अड़मण लोक्कां जो धार्मिक मणूआं री जिन्दगी जीणा सिखाणा ते तिन्हा परमेश्वर जोग्गी इक्क प्रजा बणने तांइ तैयार करणा।

लूका 1:17 ပူးပေါင်းရင်းမြစ်များ

मत्ती 11:14

ते जे अगर तुसा इस गल्ल जो मनणा चाओ तां मन्नो कि यूहन्ना ही एलिय्याह है जिसेरे आणे रे बारे बिच भविष्यवाणी कित्ती गयी थी।

मत्ती 14:4

किजोकी यूहन्ना तिसजो बोलदा रैहन्दा थिया, कि तिज्जो इस कने नी रैह्णा चाएदा।

मत्ती 3:3

यूहन्ना बपतिस्मा दैणे वाला से ही मणू जिसेरे बारे अन्दर यशायाह भविष्यद्वक्ता ने पवित्रशास्त्र बिच बोल्लेया थिया, “बियाबान अन्दर कुसकी री अवाज आया करदी है, प्रभु रा रस्ता तैयार करो, तिन्हेरी सड़कां सीद्दी करो।”

मत्ती 3:4

यूहन्ना ऊँट रे बालां रे बणे रे कपड़े पांदा थिया, अते तिसेरी कमर बिच चमड़े रा पट्टा बन्ने रा हुन्दा थिया, से टिड्डे अते जंगली मखीर खांदा थिया।

लूका 1:16

तिन्ने इस्राएल रे मते मणूआं का तिन्हेरे पाप्पां का तौबा कराणी अते तिन्हा जो प्रभु-परमेश्वर रे पास्से हटाई लाणा।

लूका 1:76

इधेरे तांइ ओ मेरे बच्चे, यूहन्ना, अवे तैं परमप्रधान परमेश्वर रा भविष्यद्वक्ता बणना, किजोकी तैं प्रभु रे अग्गे-अग्गे चली करी तिन्हेरे आणे तांइ लोक्कां जो तैयार करणा।

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

यूहन्ना 1:34

ते मैं दिख्खेया कने गवाई दिती कि ए ही परमेश्वर रा पुत्तर है।

यूहन्ना 3:28

तुसा ता अप्पु ही मेरे गवाह हिन कि मैं बोल्लेया मैं मसीह यीशु नी पर तिसेरे अग्गे भेजेरा है

प्रेरितां रे कम्म 10:33

तां मैं झट तेरे का मणू भेज्जी दित्ते, ते तुसा खरा कित्ता, जे आई गे, अवे असा सब परमेश्वर रे सामणे हिन, ताकि जे किच्‍छ परमेश्वर ने तुसा कने बोल्लेया तिसजो सूणन।

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

कुलुस्सियों 1:12

ते पिता परमेश्वर रा शुकर करदे रेयो, जिन्हा ने असा जो इस जोग्गा बणाया कि स्वर्ग रे राज बिच तिन्हेरे अपणे लोक्कां कने तिस विरासत रे हिस्सेदार बनण, जे तिन्हा ने अपणे लोक्कां तांइ तैयार कित्ते रा है।

2 तीमुथियुस 2:21

तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।

1 यूहन्ना 2:28

अते ओ बच्चेयों, मसीह बिच बणे रेयो कि जां मसीह हटी आये तां असा जो हिम्मत रे, ताकि तिन्हेरे आणे पर असी तिन्हेरे सामणे शर्मसार ना होण।

प्रकाशित वाक्य 20:4

फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्‍मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।