लूका 1:1 - चम्बयाली नौआ नियम

¹ आदरणीय थियुफिलुस, ए सारी गल्लां जे असा रे बिच मझाटे बीत्ती, तिन्हा जो लिखणे बिच मते लोक्कां ने कोसीस कित्ते री है।

लूका 1:1 ပူးပေါင်းရင်းမြစ်များ

मरकुस 16:20

ते तिन्हा चेल्‍लेयां ने निकली करी हर जगाह् प्रचार कित्तेया, ते प्रभु रे चेल्‍लेयां रे जरिए कम्म करदे रेय, अते तिन्हा नेक-बनेक्के कम्मां रे जरिए जे कन्ने-कन्ने हुंदे थिये, वचनां जो पक्का करदे रेय।

यूहन्ना 20:31

अते जे गल्लां लिख्खी हिन, से इधेरे तांइ हिन कि तुसा विश्वास करो कि यीशु ही परमेश्वर रे पुत्तर, मसीह हिन अते इधेरे तांइ विश्वास करणे रे जरिए तुसा जो उसेरे नां बिच हमेसा री जिन्दगी मिल्लो।

रोमियों 14:5

कोई मणू ता इक्क दिन जो दूज्जे दिन का बधी करी मनदा, ते कोई मणू सबणी दिनां जो इक्क बराबर मनदा। इसी तरिक्के कने हर इक्क मणू जो अपणे मन अंदर इस गल्ल जो पक्का करी लैणा चाएदा कि जे से सोच्चेया करदा है, से ही किजो सही है।

रोमियों 4:21

ते पक्का जाणी लित्ता की जिस गल्ल रा परमेश्वर ने वादा कित्ता, से तिन्हा जो पूरा करणे रे भी काबिल हिन।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

इब्रानियों 6:11

आलसी मत बणो, पर मेहनती लोक्कां सांई बणो, तुसा जो सबर ते विश्वास कने, परमेश्वर रे वादे जो हासिल करणे री आस बिच, आखरी समय तिकर ए ठीक कम्म करदे रैह्णा चाएदा।