यूहन्ना 9:7 - चम्बयाली नौआ नियम

⁷ तिसजो बोल्लेया, जा, शीलोह रे तलाब बिच अपणा मुँह धोई लै उन्निए जाई करी धोया, ते दिखदे-दिखदे हटी आया।

यूहन्ना 9:7 ပူးပေါင်းရင်းမြစ်များ

मत्ती 11:5

कि अन्ने दिखदे हिन, अते अपाहिज हंडदे फिरदे हिन, कोढ़ी सुच्चे कित्ते जाया करदे हिन, अते टौणे सूणदे हिन, मुर्दे जिंदा होया करदे हिन, अते गरीबां जो सुब बसेख सुणाया जाया करदा है।

लूका 13:4

या तुसा इय्यां समजदे कि से अठारा मणू जिन्हा पर शीलोह नां री जगाह् बिच गुम्मट पेया थिया, ते से दबी करी मरी गे थिये: कै से यरुशलेम सहर बिच रैह्णे वाले होरणी मणूआं का भी जादा पापी थिये?

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

यूहन्ना 10:36

तुसा किजो बोलदे कि ए परमेश्वर री बेजती है जां मैं बोलदा, “मैं परमेश्वर रा पुत्तर है?” आखरकार, मैं से ही है जिस जो पिता-परमेश्वर ने मेरे जो अलग करी के इस दुनिया बिच भेज्जे रा है।

यूहन्ना 11:37

पर उन्हा बिच का किच्‍छ लोक्कां ने बोल्लेया, कै जिनिये अन्नेया री हाख्खियां री रौसनी ठीक कित्ती, ओ इन्ना भी करी सकेया कि ए मणू नी मरदा?

यूहन्ना 9:11

तिनिए जवाब दित्ता, यीशु नां रे इक्क मणू ने मिट्टी सेड़ी ते मेरी हाख्खियां पर लाई करी मेरे जो बोल्लेया, शीलोह रे त्ला बिच जाई करी धोई लै, अते मैं गेया ते धोया, ते मेरी हाख्खियां री रौसनी ठीक होई गई।

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।