यूहन्ना 9:31 - चम्बयाली नौआ नियम

³¹ असी जाणदे कि परमेश्वर पाप्पियां री नी सूणदा, पर जे कोई परमेश्वर रा भक्त हो, ते तिन्हेरी मर्जी पर चलदा हो, तां से तिन्हेरी सूणदा

यूहन्ना 9:31 ပူးပေါင်းရင်းမြစ်များ

यूहन्ना 11:22

ते अब्बे भी जाणदी कि जे किच्‍छ तू परमेश्वर का मगणा, परमेश्वर ने तेरे जो दैणा।

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

यूहन्ना 9:30

उन्निए तिन्हेरे जो जवाब दित्ता, ए तां हैरानी वाली गल्ल है कि तुसा नी जाणदे कि ओ कुते रा है, तां भी तिन्हा ने मेरी हाख्खियां खोल्ली दित्ती

यूहन्ना 9:32

दुनिया री सुरुआत का लेई अब्बे तिकर ए कदी सुनणे बिच नी आया कि कुसकी ने जन्म रे अन्ने री हाख्खियां खोल्ली होण।

इब्रानियों 10:7

तां मसीह ने बोल्लेया, “मेरे परमेश्वर, मैं आई गे रा है, जिय्यां कि पवित्रशास्त्र बिच मेरे बारे बिच लिख्खे रा है, ताकि ओ परमेश्वर, मैं तुसा री मर्जी पूरा करां।”