यूहन्ना 9:29 - चम्बयाली नौआ नियम

²⁹ असी जाणदे कि परमेश्वर ने मूसा कने गल्लां कित्ती पर इस मणू जो नी जाणदे कि ए कुते रा हैं?

यूहन्ना 9:29 ပူးပေါင်းရင်းမြစ်များ

मत्ती 12:24

जां फरीसियां ने ए सूणेया तां से बोलणा लग्गे, ए तां दुष्टात्मा जो, दुष्टात्मां रे सरदार री मदत कने कड़दा।

मत्ती 26:61

ते बोल्लेया, इन्ने बोल्ले रा है की मैं परमेश्वर रे मन्दिर जो ढाह्ई सकदा ते तिसजो त्रै दिनां बिच वापस बणाई सकदा।

लूका 23:2

से पिलातुस रे अग्गे यीशु पर इल्जाम लगाणा लगे, कि ए यहूदी मणूआं जो भड़काया करदा है, अते तिन्हा जो सम्राट जो चुंगी दैणे जो मन्हा करेया करदा है, अते असा ने इसजो अप्पु जो यहूदियां रा राजा कने मसीह यीशु बोलदा भी सूणेया है

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 7:27

इसजो ता असी जाणदे कि ए कुते रा हैं, पर मसीह जिस मौके आंगा, तां कोई नी जाण्गां कि ओ कुते रा है।

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

यूहन्ना 8:14

यीशु ने तिन्हा जो जवाब दित्या कि जे मैं अपणी गवाई अप्पु दिन्दा हाँ, तां भी मेरी गवाई ठीक हैं, किजोकी मैं जाणदा, कि मैं कुते का आया कने कुते जो जान्दा? पर तुसा नी जाणदे कि मैं कुते का आन्दा कने कुतें जो जान्दा

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।

यूहन्ना 9:24

तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।

यूहन्ना 9:30

उन्निए तिन्हेरे जो जवाब दित्ता, ए तां हैरानी वाली गल्ल है कि तुसा नी जाणदे कि ओ कुते रा है, तां भी तिन्हा ने मेरी हाख्खियां खोल्ली दित्ती

प्रेरितां रे कम्म 22:22

ते मणू इस गल्ल तांइ तिसेरी सूणदे रे, फिरी जोरे-जोरे बोलणा लगे, इदेय मणू जो मुकाई दैणा चाएदा, इसेरा जिन्दा रैह्णा खरा नी है।

प्रेरितां रे कम्म 26:22

पर परमेश्वर री मदद कने मैं अज्ज तांइ बणी रे रा है ते छोटे-बड्डे सबणी सामणे गवाई दिन्दा, ते तिन्हा गल्लां जो छड्डी करी होर किच्‍छ नी बोलदा जे भविष्यद्वक्ता ने अते मूसा ने भी बोल्लेया कि से होणे वालियां हिन,

प्रेरितां रे कम्म 7:35

जिस मूसा जो तिन्हा ने ए बोल्ली करी नक्कारेया थिया कि तेरे जो कुसने असा पर हाकिम या इंसाफ करणे वाला बणाए रा है? तिसी जो परमेश्वर ने हाकिम ते छुड़ाणे वाला बणाई करी, तिस स्वर्गदूत रे जरिए जिस ने तिसजो झाड़ियां बिच दर्शन दित्ते रा थिया, भेज्जेया

इब्रानियों 1:1

पैल्ले जमाने का ही परमेश्वर ने भविष्यद्वक्ता रे जरिए असा रे पूरखां कने मती वरी, अलग-अलग तरिक्के कने गल्लां कित्ती।

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।