यूहन्ना 9:28 - चम्बयाली नौआ नियम

²⁸ तां से तिसजो बुरा भला बोलणा लग्गे, तू ही तिसेरा चेल्ला है, असी ता मूसा रे चेल्‍ले हिन

यूहन्ना 9:28 ပူးပေါင်းရင်းမြစ်များ

मत्ती 27:39

आणे-जाणे वाले सिर हिलाई-हिलाई करी तिन्हेरा बेजती करेया करदे थिये।

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

रोमियों 2:17

जां की तू अप्पु जो यहूदी दसदा, ते मूसा रे कानून पर विश्वास रखदा, ते ए घमंड करदा कि तू परमेश्वर रे खास लोक्कां बिच का है।

1 कुरुन्थियों 4:12

अपणे हत्थां कने मैहनत-मजदूरी करदे हिन, जां मणू असा जो बुरा-भला बोलदे तां असी तिन्हा जो आशीष दिंदे, से असा जो तंग करदे अते असी तिन्हा जो सहन करदे।

1 कुरुन्थियों 6:10

चोरी करणे वाले, लालची, शराब्बि, गालां दैणे वाले, धोख्खा-धड़ी करणे वाले मणू कदी भी परमेश्वर रे राज रे वारिस नी होई सकदे।

1 पतरस 2:23

जां लोक्कां ने मसीह यीशु री बेजती कित्ती थी, तां तिन्हा ने हटी करी तिन्हा लोक्कां री बेजती नी कित्ती थी। जां लोक्कां ने तिन्हा जो दुख दित्तेया, तां तिन्हा ने लोक्कां जो दुख दैणे री कोसीस नी कित्ती थी। इसेरे बजाए तिन्हा ने परमेश्वर पर मदद तांइ भरोस्सा कित्तेया। से जाणदे थिये कि परमेश्वर हमेसा सही तरिक्के कने सारेयां का हिसाब-किताब लिंदे।