यूहन्ना 9:24 - चम्बयाली नौआ नियम

²⁴ तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।

यूहन्ना 9:24 ပူးပေါင်းရင်းမြစ်များ

मरकुस 15:27

सपाईयां ने यीशु कने दो ड़ाकू, इक्क तिन्हेरे सज्जे अते दुज्जा तिन्हेरे खब्बे पास्से सुली पर चढ़ाई दित्ते।

लूका 15:2

ए दिख्खी करी फरीसी ते शास्त्रि लोक्कां बुड़-बुड़ करणा लगे, कि ए तां पापी मणूआं कन्ने रैहन्दा अते तिन्हा कन्ने रोट्टी भी खाई लिन्दा

लूका 19:7

पर मणूआं जो ए गल्ल ठीक नी लग्गी, अते बुड़बुड़आणा लग्गी पेय अते बोलणा लग्गे से तां पाप्पी मणू रे उत्ते प्रोणा बणी करी तिसेरे घरे जो गेया

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

यूहन्ना 14:30

मैं अवे तुसा कने जादा गल्लां नी करणी, किजोकी इस दुनिया रा सरदार जे शैतान है, आया करदा है, मेरे पर तिसेरा कोई हक्क नी है,

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 18:30

जवाब बिच तिन्हा ने तिसजो बोल्लेया, जे ए बेकसूर हुन्दा तां असी इसजो तुसा रे हवाले किजो करणा थिया?

यूहन्ना 19:6

जां तिन्हा ने दिख्खेया तां बड्डे पुरोत्तां अते मन्दिर रे पैहरेदारां ने चिन्डा मारी करी बोलणा लग्गे, इसजो सुली पर चढ़ाओ! इसजो सुली पर चढ़ाई देयो! पिलातुस ने तिन्हा जो बोल्लेया, तुसा ही इसजो लेई जाओ अते सुली पर चढ़ाई देयो, किजोकी मेरे जो इस बिच कोई गलती नी मिल्ली।

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 8:46

तुसा बिच कुण मेरे जो पाप्पी ठैहरादां? जां मैं सच बोलदा तां तुसा मेरा विश्वास किजो नी करदे?

यूहन्ना 8:49

यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे,

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।

यूहन्ना 9:25

उन्निए जवाब दित्ता, मैं नी जाणदा कि से पाप्पी है या नी मैं इक्क गल्ल जाणदा कि मैं अह्ना थिया ते अवे दिख्खी सकदा।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।