यूहन्ना 9:22 - चम्बयाली नौआ नियम

²² ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

यूहन्ना 9:22 ပူးပေါင်းရင်းမြစ်များ

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 19:38

इन्हा गल्लां रे बाद अरिमतिया ग्रां रे यूसुफ ने जे यीशु रा चेल्ला थिया, पर यहूदी अधिकारियां रे डर मारे इस गल्ल जो छुपाई रखदा थिया, तिसने पिलातुस का यीशु री लास लेई जाणे तांइ बिनती कित्ती अते पिलातुस ने तिसेरी अर्जी सूणी, अते से आई करी तिन्हेरी लास लेई गेया।

यूहन्ना 20:19

उसी रोज संझा बेल्ले, जे हफ्ते रा पैल्ला रोज थिया, उन्हेरे चेल्‍लेयां ने यहूदियां रे डर रे मारे दरवाज्जे बांद्द कित्ते रे थिये, उस्सी बेल्ले यीशु आई करी तिन्हेरे मंझाटे खड़े होई गे, अते तिन्हा जो बोल्लेया, तुसा जो सांती मिल्लो।

यूहन्ना 7:13

तां भी यहूदी अधिकारियां रे डरे रे मारे मते मणू यीशु रे हित बिच गल्ल नी करदे थिये।

यूहन्ना 9:18

पर यहूदियां जो विश्वास नी होया कि से अह्ना थिया ते अवे दिखदा, जा तांइ तिन्हा ने तिसेरे, जिसेरी हाख्खियां खुली गई री थी, मां-प्यो जो सदी करी

यूहन्ना 9:21

पर असी ए नी जाणदे कि अवे किय्यां दिखदा, ते ना ही ए जाणदे की कुन्निए इसेरी हाख्खियां खोल्ली ओ समजदार है, तिसका ही पूच्छी लेयो ओ अपणे बारे बिच अप्पु ही बोल्ली सकदा।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

यूहन्ना 9:35

“यीशु ने सूणेया कि उन्हा ने तिसजो बाह्र कड्डी दित्ते रा है, ते जां तिस कने मूलाकात होई तां बोल्लेया, ‘क्‍या तू मणू रे पुत्तर पर विश्वास करदा?’”

प्रेरितां रे कम्म 4:18

तां तिन्हा जो अन्दर सद्देया ते चितौणी देई करी तिन्हेरे जो ए हुकम दित्ता कि यीशु रे नां कने ना किच्‍छ बोलणा ते सखाणा

प्रेरितां रे कम्म 5:13

पर होर लोक्कां बिच का कुसकी जो ए हिम्मत नी हुदी थी कि तिन्हा प्रेरितां बिच जाई मिल्ले, तां भी मणू तिन्हेरी बड़ाई करदे थिये।

प्रेरितां रे कम्म 5:40

तां तिन्हा ने तिसेरी गल्ल मन्नी लित्ती ते प्रेरितां जो सद्दी करी कुटवाया, ते ए हुकम देई करी छड्डी दित्तेया कि यीशु रे नां कने फिरी कोई उपदेस मत करदे।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।