यूहन्ना 8:6 - चम्बयाली नौआ नियम

⁶ तिन्हा ने यीशु जो परखणे तांइ ए गल्ल बोल्ली ताकि तिस पर कोई दोष लगाई सकण, पर यीशु झुकी करी उंगली कने जमीन पर किच्‍छ लिखणा लग्गेया।

यूहन्ना 8:6 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मत्ती 15:23

पर तिन्हा ने तिसजो कोई जवाब नी दित्तेया तां यीशु रे चेल्‍लेयां ने आई करी तिन्हेरे छन्दे कित्ते कि, इसजो भेजी देंन, किजोकी ए लेरां मारदे-मारदे असां रे पीच्छे है आया करदी।

मत्ती 16:1

फरीसियां अते सदूकी यीशु का आये से यीशु जो परखणे चाह्‍ंदे थिये, इधेरे तांइ तिन्हा ने यीशु जो बोल्लेया, असा जो स्वर्ग री कोई चिन्ह-चमत्कार दिखाओ।

मत्ती 19:3

तां फरीसी परखणे तांइ यीशु का आई करी बोलणा लगे, कै अपणी लाड़ी जो कुसकी भी वजह कने तलाक देई सकदे?

मत्ती 22:18

यीशु ने तिन्हेरी बुराई जो जाणी करी बोल्लेया, ओ कपटियों, मेरे जो किजो हिन परखदे?

मत्ती 22:35

तिन्हा बिच का इक्क शास्त्री लोक्कां ने तिन्हा जो परखणे तांइ तिन्हेरे जो पूच्छेया,

मत्ती 26:63

पर यीशु चुप रेय, तां प्रधान पुरोत्त ने तिन्हेरे जो बोल्लेया, मैं तेरे जो जिन्दे परमेश्वर री कसम दिंदा की जे तू परमेश्वर रा पुत्तर मसीह यीशु है तां असा कने बोल्ली दे।

मरकुस 10:2

तां फरीसी लोक्कां ने यीशु का आई करी तिन्हा जो परखणे तांइ तिन्हा का पूच्छेया, “कै ए ठीक है कि मड़द अपणी लाड़ी जो तलाक दे?”

मरकुस 12:15

कै असा जो चुंगी दैणी चाएदी या नी दैणी चाएदी?” यीशु तिन्हा लोक्कां रे कपट जो समजी गे, ते फरीसियां ते हेरोदेस रे समुह रे लोक्कां जो बोल्लेया, “तुसी मणू किजो मेरे जो परखेया करदे हिन? मेरे का इक्क दीनार रा सिक्कालेई आओ, मैं तुसा जो जवाब दिंदा।”

मरकुस 3:2

ते किच्‍छ फरीसी मणू यीशु पर इल्जाम लाणे ताइं तिन्हेरी भाल बिच बैठ्ठे रे थिये कि दिख्खण, से विश्राम दिन तिसजो ठीक करदा की नी?

मरकुस 8:11

जां फरीसी लोक्कां ने सूणेया कि यीशु दलमनूता जिले का हटी आई रे हिन, तां से आई करी तिन्हा कने बैह्स करणा लग्गे। तिन्हा ने यीशु जो फसाणे तांइ तिन्हा का स्वर्गीय चमत्कार री मांग कित्ती ताकि जाणी सकण कि से सच अंदर परमेश्वर रे भेज्जे रे हिन या नी।

लूका 10:25

फिरी इक्क दिन जां यीशु लोक्कां जो सिखाया करदे थिये, तां शास्त्री लोक्कां बिच का इक्क जणा उठी करी यीशु जो परखणे तांइ सुआल पूच्छणा लग्गेया, कि ओ गुरु जी, मेरे जो कै करणा चह्ईंदा कि मेरे जो हमेसा री जिन्दगी मिल्ली जाओ?

लूका 11:16

पर होर मणूआं ने तिन्हा जो परखणे तांइ तिन्हा का स्वर्ग री कोई निशानी मंगी

यूहन्ना 8:2

कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे।

1 कुरुन्थियों 10:9

ते नां असा जो मसीह यीशु जो परखणा चाएदा, जिय्यां तिन्हा बिच का मते जणेया ने कित्तेया, ते से जहरिल्ले कीड़े रे कटणे कने मरी गे।