यूहन्ना 8:54 - चम्बयाली नौआ नियम

⁵⁴ यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

यूहन्ना 8:54 ပူးပေါင်းရင်းမြစ်များ

यूहन्ना 17:1

जां यीशु अपणे चेल्‍लेयां जो ए गल्लां बोल्ली बैठ्ठे, तां तिन्हा ने उप्पर आसमान पास्से दिख्खी करी बोल्लेया, ओ पिता, से बेल्ला आई रेया, अपणे पुत्तर री बड़ाई कर ताकि पुत्तर भी तुसा री बड़ाई करे।

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 5:41

मैं मणूआं का बड़ाई नी चाहन्दा।

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

यूहन्ना 8:41

तुसा अपणे प्यो सांई कम्म करदे, तिन्हा ने उन्हेरे जो बोल्लेया, असी हल्ड़ नी जम्मे, असा रा इक्क प्यो है, मतलब परमेश्वर।

यूहन्ना 8:50

पर मैं अपणी बड़ाई नी कराणा चाह्‍ंदा, इक्क है जे चाह्‍ंदा कि मेरी बड़ाई हो, ते से इंसाफ करदा।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

2 पतरस 1:17

असी तिस बेल्ले मसीह यीशु कने तिस पवित्र पहाड़ पर थिये जां पिता परमेश्वर ने तिन्हा जो आदरमान ते महिमा दित्ती थी। तां परमेश्वर, जे अप्पु महिमामय हिन, तिन्हा रे पास्से का ए अवाज आई, “ए मेरा प्यारा मुंडा है, जिस कने मैं बड़ा वरी खुस है!” असा ने अप्पु ए अवाज स्वर्ग का आंदी होई सूणी।