यूहन्ना 8:53 - चम्बयाली नौआ नियम

⁵³ असा रे पुरखा अब्राहम तां मरी गेया, कै तुसा तिन्हा का भी बड्डे हिन? ते भविष्यद्वक्ता भी मरी गे तुसा अपणे आप जो कै दसदा?

यूहन्ना 8:53 ပူးပေါင်းရင်းမြစ်များ

मत्ती 12:6

पर मैं तुसा जो बोलदा, इत्ते कोई है जे मन्दिर का भी बधी करी है।

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

यूहन्ना 10:33

यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

यूहन्ना 12:34

इस पर लोक्कां ने तिसजो बोल्लेया, असा ने पवित्रशास्त्र री ए गल्ल सुणे री है, कि मसीह ने हमेसा जिन्दे रैह्णा, फिरी तू किय्यां बोलदा कि मणू रे पुत्तर जो उच्चे पर चढ़ाया जाणा ज़रुरी है? ए मणू रा पुत्तर, कुण है?

यूहन्ना 19:7

यहूदी अधिकारियां ने तिसजो जवाब दित्तेया, असा रे नियम हिन जे बोलदे हिन, इसजो मरणा पैणा किजोकी इसने अप्पु जो परमेश्वर रा पुत्तर दस्सेया है।

यूहन्ना 4:12

कै तू असा रे बाबे याकूब का बड्डा है जिस ने असा जो ए कुआँ दित्ते रा है, कने अप्पु ही अपणे पुत्तर कने अपणे डंगरा समेत इस बिच का पीन्दा

यूहन्ना 5:18

इस वजह कने यहूदी होर भी बधी करी तिसजो मारणे री कोसीस करणा लगे किजोकी सेह न सिर्फ विश्राम दिन रे रीति रीवाज जो तोडदा थिया पर परमेश्वर जो अपणा बाबा बोल्ली करी अप्पु जो परमेश्वर रे बराबर करदा थिया।

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!