यूहन्ना 8:52 - चम्बयाली नौआ नियम

⁵² यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

यूहन्ना 8:52 ပူးပေါင်းရင်းမြစ်များ

मत्ती 11:18

तिय्यां ही यूहन्ना ना दूए लोक्कां सांई खान्दा अते ना पीन्दा थिया पर तुसा लोक्कां ने शिकायत कित्ती उस बिच दुष्टात्मा है,

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 15:20

मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 7:20

लोक्कां ने यीशु जो जवाब दिता, “तेरे बिच तां दुष्टात्मा है! कुण तुसा जो मारणा चाहन्दा?”

यूहन्ना 8:22

इस पर यहूदी अधिकारियां ने बोल्लेया, कै से अप्पु जो मारी दिंगा, जो से बोलदा कि जित्ते मैं जान्दा उत्ते तुसा नी आई सकदे?

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 8:51

मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा।

यूहन्ना 8:55

तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा।

यूहन्ना 9:24

तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।

इब्रानियों 11:13

ए सारे लोक, जिन्हा ने परमेश्वर बिच विश्वास कित्तेया थिया, से मणू इस गल्ल जो समजदे होए कि परमेश्वर ने तिन्हेरे तांइ कै करणा, तिन्हा वादे कित्ते री चीजां पाए बगैर ही मरी गे, तिन्हा ने इस गल्ल जो समजेया कि से इस दुनिया बिच परदेसी हिन।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।