यूहन्ना 8:49 - चम्बयाली नौआ नियम

⁴⁹ यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे,

यूहन्ना 8:49 ပူးပေါင်းရင်းမြစ်များ

यूहन्ना 11:4

ए सुणी करी यीशु ने बोल्लेया, ए बीमारी मरणे तांइ नी पर परमेश्वर री बड़ाई तांइ है, कि उस कने (उसदे जरिए) परमेश्वर रे पुत्तर री बड़ाई हो।

यूहन्ना 12:28

ओ पिता, अपणे नां री बड़ाई कर। तां तिस बेल्ले स्वर्ग बिच का ए अवाज आई, मैं उसेरी बड़ाई कित्ती, ते अग्गे भी करगा।

यूहन्ना 14:13

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो।

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 7:20

लोक्कां ने यीशु जो जवाब दिता, “तेरे बिच तां दुष्टात्मा है! कुण तुसा जो मारणा चाहन्दा?”

यूहन्ना 8:29

कने मेरा भेजणे वाला मेरे कने है तिन्ही मेरे जो कल्ला नी छडेया, किजोकी मैं हमेसा से ही कम्म करदा, जिस का से खुस हुन्दा:

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

1 कुरुन्थियों 11:14

आमतौर पर तुसा जाणदे की आदमी तांइ लम्बे बाल रखणा तिसेरे तांइ बेजती री गल्ल है।

1 कुरुन्थियों 15:43

जां कुसकी रे मुर्दा सरीर जो दब्बेया जांदा तां से बदसुरत ते कमजोर हुंदा पर जां से फिरी जिन्दा कित्तेया जाणा तां से छैल ते ताकतवर होणा, जे बड़ा महिमामय है।

1 पतरस 2:23

जां लोक्कां ने मसीह यीशु री बेजती कित्ती थी, तां तिन्हा ने हटी करी तिन्हा लोक्कां री बेजती नी कित्ती थी। जां लोक्कां ने तिन्हा जो दुख दित्तेया, तां तिन्हा ने लोक्कां जो दुख दैणे री कोसीस नी कित्ती थी। इसेरे बजाए तिन्हा ने परमेश्वर पर मदद तांइ भरोस्सा कित्तेया। से जाणदे थिये कि परमेश्वर हमेसा सही तरिक्के कने सारेयां का हिसाब-किताब लिंदे।