यूहन्ना 8:48 - चम्बयाली नौआ नियम

⁴⁸ ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 8:48 ပူးပေါင်းရင်းမြစ်များ

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 10:5

तिन्हा बारा जो यीशु ने ए हुकम देई करी भेजेया, गैर यहूदियां रे लोक्कां का मत जांदे, अते ना सामरिया प्रदेश बिच बड़दे।

मत्ती 11:18

तिय्यां ही यूहन्ना ना दूए लोक्कां सांई खान्दा अते ना पीन्दा थिया पर तुसा लोक्कां ने शिकायत कित्ती उस बिच दुष्टात्मा है,

मत्ती 12:24

जां फरीसियां ने ए सूणेया तां से बोलणा लग्गे, ए तां दुष्टात्मा जो, दुष्टात्मां रे सरदार री मदत कने कड़दा।

मत्ती 12:31

इधेरे तांइ मैं तुसा जो बोल्दा, मणू रा हर इक्क पाप अते हर इक्क बेजती माफ कित्ती जाणी पर पवित्रात्मा री बेजती करणे वाले जो माफ नी कित्तेया जाणा।

मत्ती 15:7

ओ ढोंगियों! यशायाह ने तुसा रे बारे बिच ए भविष्यवाणी ठीक ही कित्ती थी।

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 10:20

तिन्हा बिच का मते सारे बोलण लग्गे, तिन्हा बिच दुष्टात्मा है, ते से पागल हिन, तिन्हेरी मत सुणो।

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 4:9

तिस सामरिया प्रदेश री जनानी ने तिसजो बोल्लेया, तू यहूदी होई करी मेरे जदेई सामरी जनानी का पाणी किजो मगंदा?

यूहन्ना 7:20

लोक्कां ने यीशु जो जवाब दिता, “तेरे बिच तां दुष्टात्मा है! कुण तुसा जो मारणा चाहन्दा?”

यूहन्ना 8:22

इस पर यहूदी अधिकारियां ने बोल्लेया, कै से अप्पु जो मारी दिंगा, जो से बोलदा कि जित्ते मैं जान्दा उत्ते तुसा नी आई सकदे?

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

इब्रानियों 13:13

इधेरे तां, आओ, कुर्बानी चढ़ाणे री रीति-रिवाज्‍जां जो छड्डी करी, यीशु रे नेड़े आओ। ते जिय्यां तिन्हा ने बेज्जती सहन कित्ती, तिय्यां ही असी भी बेज्जती जो सहन करण।

याकूब 2:19

तिज्जो विश्वास है कि परमेश्वर इक्क ही है; तू ठीक करदा; दुष्टात्मा भी विश्वास करदी ते डर कने कमदी।