यूहन्ना 8:47 - चम्बयाली नौआ नियम

⁴⁷ जे परमेश्वर रे पास्से का हुदां, से परमेश्वर री गल्लां जो सूणदा, ते तुसा इस तांइ नी सूणदे किजोकी परमेश्वर रे पास्से का नी हिन।

यूहन्ना 8:47 ပူးပေါင်းရင်းမြစ်များ

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

यूहन्ना 18:37

पिलातुस ने तिन्हा जो बोल्लेया, तां तू राज्जा है? यीशु ने जवाब दित्तेया, तू बोलदा कि मैं राज्जा है मैं इधेरे तांइ पैदा होया ताकि सच्चाई री गवाई देयां हर इक्क से मणू जे सच्चाई रे पास्से है, से मेरी गल्लां सूणदा।

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

यूहन्ना 6:65

फिरी तिन्हा ने बोल्लेया, इस तांइ मैं तुसा जो बोल्लेया थिया जां तांइ कुसकी जो पिता रे पास्से का वरदान ना मिल्ले, तां तांइ से मेरे का नी आई सकदा।

यूहन्ना 8:37

मैं जाणदा कि तुसा अब्राहम रे ‍खानदान का हिन तां भी तांइ तुसा मेरे जो मारी रखणा चाह्‍ंदे किजोकी मेरी शिक्षा जो नी मनदे।

यूहन्ना 8:43

तुसा मेरी गल्ल किजो नी समजदे? इस तांइ किजोकी तुसा मेरा शिक्षा जो सुणी नी सकदे।

यूहन्ना 8:45

पर मैं जे सच बोलदा, इस तांइ तुसा मेरा विश्वास नी करदे।

1 यूहन्ना 3:10

परमेश्वर री औलाद ते शैतान रे औलाद बिच इस कने फरक पता लाई सकदे कि हर से मणू जे धार्मिकता रे कम्म नी करदा से परमेश्वर री औलाद नी है, अते जे अपणे संगी विश्वासी कने प्यार नी करदा, से भी परमेश्वर री औलाद नी है।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।