यूहन्ना 8:43 - चम्बयाली नौआ नियम

⁴³ तुसा मेरी गल्ल किजो नी समजदे? इस तांइ किजोकी तुसा मेरा शिक्षा जो सुणी नी सकदे।

यूहन्ना 8:43 ပူးပေါင်းရင်းမြစ်များ

मत्ती 13:15

किजोकी इन्हेरे मन मोट्टे होई गेरे हिन, अते ए कन्ना का उच्चा सूणदे हिन, ते इन्हा ने अपणी आख्खियां बांद्द करी रख्खे री हिन ताकि से दिख्खी ना पांन, ते कन्ना का किच्‍छ भी सुणी ना पांन, ते दिल्ल का समजन, अते मेरे पास्से आई जांन, ते मैं तिन्हा जो खरा करां।

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

यूहन्ना 5:43

“पिता” ने मेरे जो अधिकार देई करी तुसा का भेज्जे रा है, ते तुसा मेरे जो नी अपणांदे, पर जे अगर होर कोई अपणे ही अधिकार कने आए तां तिसजो अपणाई लिंदे।

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

यूहन्ना 8:27

से न समजे कि असा जो पिता रे बारे बिच दसदा।

यूहन्ना 8:33

तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा?

यूहन्ना 8:39

तिन्हा ने तिन्हेरे जो जवाब दित्ता, असा रा पुरखा ता अब्राहम है, यीशु ने तिन्हा जो बोल्लेया, जे अगर तुसा अब्राहम री औलाद हुदें तां अब्राहम सांई कम्म भी करदे।

प्रेरितां रे कम्म 7:51

तुसा तिन्हेरी गल्ल मनणे का हमेसा टलदे, तुसा हमेसा पवित्रात्मा रा विरोध करदे जिय्यां तुसा रे बाबे-दाद्दे करदे थिये, तिय्यां ही तुसा भी करदे।

रोमियों 3:11

कोई भी मणू समजदार नी है, कोई भी मणू परमेश्वर जो जाणना नी चाह्‍ंदा।