यूहन्ना 8:40 - चम्बयाली नौआ नियम

⁴⁰ पर अवे तुसा मेरे जो मारी रखणा चाह्‍ंदे जिन्निए तुसा जो ओ सच्ची गल्ल दस्सी जे परमेश्वर का सूणेया। इदेया तां अब्राहम ने नी कित्ता थिया।

यूहन्ना 8:40 ပူးပေါင်းရင်းမြစ်များ

यूहन्ना 7:1

इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 8:26

मेरे का तुसा रे बारे बिच बोलणे ते तुसा पर इल्जाम लाणे तांइ मता किच्‍छ है। पर परमेश्वर, जिन्हा ने मेरे जो इस दुनिया रे लोक्कां का भेज्जे रा है, से सच्चा है, ते जे किच्‍छ मैं तिसका सूणेया, से ही दुनिया रे लोक्कां कने बोलदा।

यूहन्ना 8:56

तुसा रा पुरखा अब्राहम मेरे दिन दिखणे तांइ उम्मीद कने बड्डा वरी मगन थिया, ते उन्निए दिख्खेया, ते बड्डा खुस होया।

रोमियों 4:12

अते अब्राहम खतने वालेयां रे भी आत्मिक पुरखे हिन, पर सिर्फ तां ही जां से मणू परमेश्वर पर तिय्यां ही विश्वास करदे हो, जिय्यां खतना होणे का पैल्ले अब्राहम जो परमेश्वर बिच थिया।

गलातियों 4:16

इय्यां लगदा कि मैं तुसा कने सच बोलणे री वजह कने तुसा रा दुश्मण बणी गे रा है।

गलातियों 4:29

पर अवे तुसा पर से मणू जुल्म करदे जे मणू चाह्‍ंदे कि तुसा मूसा रे कानून जो मन्नो, बिल्कुल तिय्यां ही जिय्यां इश्माइल ने जो इक्क मणू री मर्जी कने पैदा होया तिस इसहाक पर जुल्म कित्ता जे आत्‍मा री ताकत कने पैदा होया थिया।

प्रकाशित वाक्य 12:17

इसेरे नतीज्जे रे तौर पर, से अजगर जो तिस जनानी पर बड़ा वरी गुस्सा आया। इधेरे तांइ तिनिये तिस जनानी रे ‍खानदान रे खिलाफ इक्क लड़ाई रा एलान करी दित्तेया। ए से मणू होणे जे परमेश्वर रे हुकम मुताबिक चलदे ते तिन्हा सच्ची शिक्षां पर बणी रैह्‍न्दे जे मसीह ने सिखाए री हिन।

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।