यूहन्ना 8:32 - चम्बयाली नौआ नियम

³² तुसा सच्चाई जो जाणो, ते सच्चाई ने तुसा जो अजाद करणा।

यूहन्ना 8:32 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 16:13

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

यूहन्ना 17:17

तुसा रा वचन सच्चा है, सच्चाई बिच तिन्हा जो पवित्र करो।

यूहन्ना 6:45

कुसकी भविष्यद्वक्ता री कताब बिच ए लिख्खे रा है, कि से सब परमेश्वर रे पासे का सिखाए रे होणे जिन्नी भी बाबे का सूणेया कने सिखया, से मेरे का आन्दा।

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

यूहन्ना 8:36

इस तांइ जे पुत्तर तुसा जो अजाद करगा, तां सच्ची तुसा अजाद होई जाणा

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

1 कुरुन्थियों 7:22

किजोकी जिस गुलाम जो परमेश्वर ने सद्दे रा है, से मणू परमेश्वर रा अजाद मणू है, तिय्यां ही तुसा बिच का हर इक्क अजाद मणू जिस जो मसीह यीशु ने सद्दे रा है से तिन्हेरा गुलाम है।

गलातियों 5:1

मसीह यीशु ने असा जो मूसा रे कानून का अजाद करणे तांइ असा जो अजाद कित्ते रा है, इधेरे तांइ पक्के तौर पर अपणी अजादी जो मत गुआंदे, ते दुबारा मूसा रे कानून जो मन्नी करी अप्पु जो गुलाम मत बणदे।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

2 तीमुथियुस 3:7

से हमेसा बखरी चीजां सिखदी रेह्न्दी पर तिन्हा ने कदी भी मसीह रे सच्ची शिक्षां जो नी समजी सकणा।

याकूब 1:25

पर जे मणू तिस व्यवस्था पर ध्यान करदा रैहन्दा जे अजादी दिंदी, तिस मणू जो अपणे कम्मां बिच इधेरे तांइ आशीष मिलणी किजोकी से सुणी करी भूलदा नी, पर तिसजो पूरे मन कने मनदा।

याकूब 2:12

तुसा अपणा चालचलन तिन्हा लोक्कां सांई रख्खो करो जिन्हेरा न्याय तिस कानून रे हिसाब कने होणा जे असा जो अजादी दिंदी।

1 पतरस 2:16

तुसा जो कोई भी से करणे का नी रोक्की सकदा जे तुसा करणा चाह्‍ंदे किजोकी तुसा असा प्रभु यीशु मसीह रे जरिये अजाद करी दित्ते गेरे हिन। पर इस गल्ल रे बहान्ने कोई गलत कम्म मत करदे। बल्कि तुसा जो अपणे कम्मां कने ए दिखाणा चाएदा कि तुसा परमेश्वर रे सेवादार हिन।

2 यूहन्ना 1:1

मैं यूहन्ना, जे कलीसिया रा बुजुर्ग है, तिस जनानी जो जिस जो परमेश्वर ने चुणे रा है ते तिसेरे बच्चेयां जो ए चीठ्ठी लिख्खेया करदा है। मैं तिन्हा कने प्यार करदा, बल्कि सिर्फ मैं ही नी पर सारे तिन्हा कने प्यार करदे किजोकी असी सारे परमेश्वर री सच्चाई बिच विश्वास करदे।