यूहन्ना 8:31 - चम्बयाली नौआ नियम

³¹ तां यीशु ने तिन्हा यहूदी लोक्कां कने ए बोल्लेया जिन्हा ने तिन्हा पर विश्वास कित्तेया थिया, जे तुसा मेरे शिक्षा बिच बणी रैहन्गे, तां हकीकत बिच मेरे चेल्‍ले ठैहरगे।

यूहन्ना 8:31 ပူးပေါင်းရင်းမြစ်များ

मत्ती 24:13

पर जे कोई अपणी जिन्दगी रे आखर तक मेरे पर विश्वास रखगा, तिसेरा ही छुटकारा होणा।

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

यूहन्ना 2:2

यीशु कने तिसेरे चेल्‍ले भी तिस ब्याह बिच सद्दे रे थिये

यूहन्ना 6:55

किजोकी मेरा सरीर असलियत बिच खाणे री चीज है ते मेरा खून असलियत बिच पीणे री चीज है,

यूहन्ना 8:36

इस तांइ जे पुत्तर तुसा जो अजाद करगा, तां सच्ची तुसा अजाद होई जाणा

प्रेरितां रे कम्म 13:43

ते जां सभास्थल रे मणू उठी गे तां यहूदियां अते गैर-यहूदी भक्तां बिच का बड़े जणे पौलुस ते बरनबास ते पीच्छे चली पे, ते तिन्हा ने तिन्हा लोक्कां कने गल्लां करी के समजाया, कि परमेश्वर री अनुग्रह बिच बणी रेयो।

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

प्रेरितां रे कम्म 26:22

पर परमेश्वर री मदद कने मैं अज्ज तांइ बणी रे रा है ते छोटे-बड्डे सबणी सामणे गवाई दिन्दा, ते तिन्हा गल्लां जो छड्डी करी होर किच्‍छ नी बोलदा जे भविष्यद्वक्ता ने अते मूसा ने भी बोल्लेया कि से होणे वालियां हिन,

रोमियों 11:22

इधेरे तांइ परमेश्वर री दया ते सख्ती पर ध्यान देयो। जे डालियां कट्टी गयी तिन्हा पर ता सख्ती होई, पर तेरे पर दया होई, जिस जो तिन्हा ने साट्टेया। तिन्हेरी दया बिच बणी रेयो, नी तां तू भी कट्टी दित्तेया जाणा।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

1 तीमुथियुस 2:15

पर फिरी भी जे अगर जनानियां मसीह बिच विश्वास बणाई रखदी, बाकि लोक्कां कने प्यार करदी ते पवित्र ते ठीक तरिक्के कने बर्ताव करदी तां परमेश्वर ने तिन्हा जो बच्चे पैदा करणे रे जरिये बचाणा।

1 तीमुथियुस 4:16

इधेरे तांइ चुकन्ने रेयो कि तुसा किय्यां अपणी जिन्दगी जिया करदे हिन ते तुसा कै सिखांदे। इन्हा गल्लां पर टिकी रेय किजोकी जे अगर इय्यां करदा रैह्‍ंगा तां इसेरे नतीज्जे रे तौर पर परमेश्वर तेरे जो तेरे सुनणे वाले लोक्कां जो सजा का बचाणा।

2 तीमुथियुस 3:14

पर ओ तीमुथियुस तू तिस शिक्षा जो पकड़ी रे जे तिज्जो सिखाए गे री है ते जिस बिच तू विश्वास करदा, आखिरकार तू जाणदा कि कुसने तेरे जो से सिखाए री हिन।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

इब्रानियों 8:9

ए वाचा तिस वाचा सांई नी होणी जे मैं तिन्हेरे पूरखां कने बन्नी थी, जां मैं तिन्हा जो मिस्र देस का बाहर कड्डी करी लेई आया थिया। किजोकी प्रभु बोलदे कि तिन्हा ने तिस वाचा जो नी मन्नेया जे मैं तिन्हा कने बन्नी थी। मैं तिन्हा का मुँह मोड़ी लित्ता।

याकूब 1:25

पर जे मणू तिस व्यवस्था पर ध्यान करदा रैहन्दा जे अजादी दिंदी, तिस मणू जो अपणे कम्मां बिच इधेरे तांइ आशीष मिलणी किजोकी से सुणी करी भूलदा नी, पर तिसजो पूरे मन कने मनदा।

1 यूहन्ना 2:19

मसीह रा विरोध करणे वाले मणू असा री कलीसिया बिच का निकली करी चली गे, पर से असा रे अपणे नी थिये। किजोकी जे अगर से असा रे अपणे हुंदे तां तिन्हा ने असा कने रैहन्दे, पर से मणू निकली गे जिस कने ए साबित होई गेया कि से सारे कदी असा रे अपणे नी थिये।

1 यूहन्ना 2:24

जे सच्चाई रा बसेख तुसा ने मसीह बिच विश्वास करणे री सुरुआत रे समय बिच सुणे रा थिया, जे अगर से तुसा बिच बणे रा रे तां तुसा भी पुत्तर बिच ते पिता परमेश्वर बिच बणे रैहन्गे।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।